കുട്ടികൾക്കായൊരുക്കാം

ഇനി പഠനത്തിന്റെയും ഹോം വർക്കിന്റെയും കാലം. കുട്ടികളുടെ പഠനം മെച്ചപ്പെടുന്നതിൽ പഠനമുറിക്കും സുപ്രധാന റോൾ വഹിക്കാനുണ്ട്. കുട്ടികളുടെ പഠനമുറി ഒരുക്കുമ്പോൾ ശ്രദ്ധിക്കേണ്ട കാര്യങ്ങളറിയാം

- പി. ലിസി

സ്കൂളുകൾ തുറന്നു, പ്രവേശനോത്സവവും അപരിചിതത്വവും പരിചയപ്പെടലുകളുമെല്ലാം കഴിഞ്ഞു. ഇനി പഠനത്തിന്റെയും ഹോംവർക്കിന്റെയും കാലം. വീട്ടിലെ കുട്ടികളെല്ലാം ഹാളിലോ ഉമ്മറത്തോ കൂട്ടമായി ഇരുന്ന് എഴുതിപ്പഠിച്ചിരുന്ന കാലം കഴിഞ്ഞുപോയി. ഒട്ടുമിക്ക വീടുകളിലും ഇപ്പോൾ കുട്ടികൾക്ക് മാത്രമായി കിടപ്പുമുറികളും പഠനമുറികളും പണിതു തുടങ്ങി.

എവിടെയെങ്കിലും മേശയും കസേരയും ഇട്ട് നൽകിയോ അല്ലെങ്കിൽ എല്ലാവരും ഉപയോഗിക്കുന്ന ഡൈനിങ് ടേബ്ളോ കിടപ്പുമുറിയോ പഠനമുറി ആക്കാമെന്നാണ് കരുതിയതെങ്കിൽ തെറ്റി. സ്കൂൾ വിട്ടുവന്നാൽ ശാന്തമായി ഇരുന്ന് പഠിക്കാൻ പറ്റിയ ഒരിടമാണ് വേണ്ടത്. ഒപ്പം മാതാപിതാക്കളുടെ കണ്ണുകൾ കടന്നുചെല്ലാനും കഴിയണം. അതായിരിക്ക ണം ഓരോ കുട്ടിയുടെയും പഠനമുറി. കുട്ടികളുടെ പഠനമുറി ഒരുക്കുമ്പോൾ നിരവധി കാര്യങ്ങൾ ശ്രദ്ധിക്കേണ്ടതുണ്ട്.

എവിടെയാകണം പഠനമുറി?

വീട്ടിൽ അത്യാവശ്യം സൗകര്യവും അധിക മുറികളുമുണ്ടങ്കിൽ അത് പഠനമുറിയായി മാറ്റാം. എന്നാൽ, ചെറിയ അപ്പാർട്ട്മെന്റോ വീടോ ആണെങ്കി ൽ ഒരു കോർണർ തിരഞ്ഞെടുക്കാം. കുട്ടികളുടെ കിടപ്പുമുറിയുടെ ഒരു മൂലയോ സ്വീകരണ മുറിയിലെ ഇടമോ അതുമല്ലെങ്കിൽ സ്റ്റെയർ കേസിന്റെ സ്റ്റോറേജ് സ്പേസോ പഠനമുറിയായി സജ്ജീകരിക്കാം. ഏത് സ്ഥലത്ത് സജ്ജീകരിച്ചാലും മാതാപിതാക്കളുടെ ശ്രദ്ധ ചെല്ലുന്ന ഇടമായിരിക്കണം.

ധാരാളം വെളിച്ചവും വായു സഞ്ചാരവും കിട്ടുന്ന ഇടമാണെന്ന് ഉറപ്പുവരുത്തണം. കൂടാതെ ടി.വിയുടെയും മറ്റുള്ളവരുടെയും ശബ്ദം, അടുക്കളയിലെ ശബ്ദം ഇവയൊന്നും കുട്ടികളുടെ പഠനത്തെ ശല്യപ്പെടുത്തുന്നില്ലെന്നും ഉറപ്പുവരുത്തണം.

വെളിച്ചം മുഖ്യം