മാരത്തൺ ദമ്പതികൾ

ഒരു യാത്രക്കു വേണ്ടി ഓടിത്തുടങ്ങിയ ഈ ദമ്പതികൾ ഇപ്പോൾ നടത്തുന്ന യാത്രകൾ ഓടുക എന്ന ഒറ്റ ലക്ഷ്യത്തിലേക്കാണ്. പ്രായത്തെ ഓടിത്തോൽപിച്ച 'മാരത്തൺ ദമ്പതികളുടെ വിശേഷങ്ങളിതാ...

- ബ്ലെസി ബോബി

പ്രായത്തെയും വെല്ലുവിളികളെയും ഓടിത്തോൽപിക്കുകയാണ് കോഴിക്കോട് സ്വദേശികളായ അജയയും ഭർത്താവ് നളിനാക്ഷനും സുഹൃത്തുക്കൾക്കൊപ്പമുള്ള കേദാർനാഥ് യാത്ര, അതിനു വേണ്ടി തുടങ്ങിയ നടത്തം... ആഗ്രഹിച്ച യാത്ര കോവിഡിനിടയിൽ മുങ്ങിപ്പോയെങ്കിലും യാത്രക്കുള്ള മുന്നൊരുക്കം ഈ ദമ്പതികളെ മാരത്തനിലേക്കാണ് ചുവടുവെപ്പിച്ചത്. മലകയറ്റം ആയാസരഹിതമാക്കാനാണ് നടന്നുതുടങ്ങിയത് 2020 ൽ

യാത്രക്കായി ഒരുപാട് നടക്കേണ്ടതിനാൽ ദിവസവും നടന്നു പരിശീലിക്കേണ്ടത് അത്യാവശ്യമായിരുന്നു. യാത്രക്കുള്ള തയാറെടുപ്പിന്റെ ഭാഗമായാണ് ഓട്ടം തുടങ്ങിയതെങ്കിലും യാത്ര നടന്നില്ല. ആദ്യം കൊച്ചിയിലായിരുന്നു താമസം. അവിടന്ന് തുടങ്ങിയ ഓട്ടം ഇപ്പോൾ 'മാരത്തൺ ദമ്പതികൾ' എന്ന ടാഗ് ലൈനിൽ എത്തിച്ചിരിക്കുന്നു.

നളിനാക്ഷനും ഭാര്യ അജയയും മാരത്തൺ ഓട്ടക്കാരായി മാറിയത് അടുത്ത കാലത്താണ്. കൊച്ചിയിലെ പനമ്പള്ളി നഗർ റണ്ണേഴ്സിന്റെ കൂടെയാണ് ഓടിത്തുടങ്ങിയത്. മാരത്തണിലൊക്കെ പങ്കെടുത്തിട്ടുള്ളതിനാൽ അവരോടൊപ്പമുള്ള ഓട്ടയാത്ര അജയയെയും നളിനാക്ഷനെയും കൂടുതൽ കരുത്തുറ്റവരാക്കി. കോവിഡിന് ശേഷമാണ് ഇവന്റിലൊക്കെ പങ്കെടുക്കാൻ തുടങ്ങിയ വിടകങ്ങളിൽ ഒതുങ്ങിയ അജയയുടെ ജീവിതത്തിന്റെ ടണി ബ്രസ്റ്റ് തുടങ്ങുന്നത് ഇവിടെനിന്നാണ്. അതുവരെ ഓട്ട വും നടത്തവും ഒന്നും പരിശീലിക്കാത്ത അജയ നളിനാക്ഷനൊപ്പം മാരത്തണുകളിൽ ഓടിത്തുടങ്ങി.

പ്രായത്തെ ഓടിത്തോൽപിച്ച ദമ്പതികൾ

മലപ്പുറം മാരത്തണിലാണ് ഇരുവരും ആദ്യമായി പങ്കെടുക്കുന്നത്. അതിൽ വുമൺസ് കാറ്റഗറിയിൽ അജയ ഒന്നാമതായി. അവിടെ നിന്നാണ് മാരത്തണുകളിൽനിന്ന് മാരത്തണുകളിലേക്ക് ഈ ദമ്പതികൾ ഓട്ടം തുടങ്ങിയത്. ഓട്ടത്തിൽ നളിനാക്ഷനായിരുന്നു സമ്മാനങ്ങൾ വാരിക്കൂട്ടിയിരുന്നത്. അതിനൊപ്പമെത്താൻ അജയയുടെ ഫിനിഷിങ് ലൈനുകൾക്കും സാധിച്ചിട്ടുണ്ട്. കോവളം, ഗോൾഡൻ പീക്, പൊന്മുടി, ഹൈദരാബാദ്, ബംഗളൂരു, ഡൽഹി എന്നീ മാരത്തണുകളിൽ അജയ പങ്കെടുത്തിട്ടുണ്ട്. 62കാരനായ നളിനാക്ഷനും 54കാരിയായ അജയക്കും പ്രായം വെറും നമ്പർ മാത്രമാണ്. ഓടാനൊരു മനസുണ്ടായാൽ മതി. എല്ലാവർക്കും പറ്റും. പറ്റില്ല എന്ന് വിചാരിക്കുന്നതിന് പകരം പറ്റും എന്ന് വിശ്വസിച്ച് ചെയ്തുനോക്കിയാൽ എന്തും സാധിക്കുമെന്ന് ഈ ദമ്പതികളുടെ ജീവിതം കാണിച്ചുതരുന്നു.

മാരത്തണുകളിലെ മിന്നും പ്രകടനം