મન, હૃદય, ચિત્ત ખીલવંત: વસંત

સમગ્ર ઋતુઓની રાજરાણી વસંત છે. મિલન અને વિરહ બંને સ્થિતિમાં આ ઋતુ આપણી અંદર ધીમી ગતિએ અનુભૂતિઓનાં સ્પંદનો જગાડે છે

- મનોજ જોશી

આવી આવી રે રૂડી ઋતુ વસંત આવી રે,

સૌનાં હૈયે રે માસૂમ શમણાં હસંત લાવી રે!

સૃષ્ટિના સચરાચરના કણે કણમાં વસંતનું સામ્રાજ્ય છવાયું છે. પ્રત્યેક જીવમાં નવી ચેતના અને ઉમંગ પ્રસરી રહ્યાં છે. આ ગમતીલી ઋતુમાં હૈયું ભીનું ન થાય, મન પુલકિત ન બને તો જ નવાઈ! સમગ્ર ઋતુઓની રાજરાણી વસંત છે. મિલન અને વિરહ બંને સ્થિતિમાં આ ઋતુ આપણી અંદર ધીમી ગતિએ અનુભૂતિઓનાં સ્પંદનો જગાડે છે.