ઇસરોમાં વિજ્ઞાની તરીકે કેવી રીતે જોડાઈ શકાય?

ઇસરોમાં જોડાવવા ઇચ્છતા ઉમેદવારોએ તેની વેબસાઇટ પર માહિતી મેળવતા રહેવું જરૂરી છે

ભારતે કેટલાંક વર્ષોમાં અંતરિક્ષ વિજ્ઞાન ક્ષેત્રે જે સિદ્ધિઓ હાંસલ કરી છે તે હવે માત્ર વિજ્ઞાન કે ઇસરોના વિજ્ઞાનીઓ પૂરતી સીમિત નથી રહી, પણ સમગ્ર દેશ માટે ગર્વની વાત બની રહી છે. દેશવાસીઓ હવે અંતરિક્ષ વિજ્ઞાનીઓ તરફ સન્માનનીય દ્રષ્ટિ ધરાવતા થયા છે. દરેક ભારતીય અંતરિક્ષ વિજ્ઞાન સંસ્થા ઇસરોના વિજ્ઞાનીઓની મહેનત અને સફ્ળતાને બિરદાવતા થયા છે અને તેથી જ હવે દેશનાં બાળકો અંતરિક્ષ વિજ્ઞાનમાં રુચિ ધરાવતા થયા છે. ઘણા યુવાનો છે જે ઇસરો એટલે કે ઇન્ડિયન સ્પેસ રિસર્ચ ઓર્ગેનાઇઝેશનમાં જોબ મેળવીને અંતરિક્ષ વિજ્ઞાન ક્ષેત્રમાં સંશોધન કરવાની ઇચ્છા રાખી રહ્યા છે. વિજ્ઞાનના વિદ્યાર્થીઓ માટે ઇસરોમાં કામ કરવું એ ગર્વની વાત બની રહી છે.