કોણ કહે છે, મર્દ કો દર્દ નહીં હોતા?

પુરુષ કદાચ સ્ત્રીની જેમ સંવેદનશીલ બની શકતો નથી, પણ એનો અર્થ એ નથી કે...

રોહિત અને સીમાનો પ્રેમસંબંધ તૂટી ગયો. આજની ભાષામાં કહીએ તો બ્રેકઅપ થયું. સીમાની કેટલીક ફ્રેન્ડ્સ એને ઈમોશનલ સપોર્ટ આપવા માટે ભેગી થઈ. સીમાએ દિલ ખોલીને એમની સાથે વાત કરી, ખૂબ રડી અને પછી હળવું ફીલ કરવા માંડી. અમુક અઠવાડિયાં સુધી એની ફ્રેન્ડ્સ એને દરરોજ ફોન કરતી, એને બહાર લઈ જતી, એની સાથે સમય ગાળતી. ટૂંક સમયમાં સીમા હતાશાના આ તબક્કામાંથી બહાર આવવા માંડી.

રોહિતના મિત્રોને બ્રેકઅપની ખબર પડી તો એ બધા મળીને એને દારૂ પીવા બહાર લઈ ગયા. છોકરીઓ પાછળ શું રડવાનું? એમ કહીને બ્રેકઅપની વાતને મશ્કરીમાં ઉડાડી દીધી. થોડા સમય માટે રોહિતનો મૂડ ઠીક થઈ ગયો, પણ પછી રોહિત હતાશા અનુભવવા માંડ્યો. પોતાના મનની વાત એ કોઈને કહેશે તો એને બાયલો ગણવામાં આવશે એ ડરથી એણે બધું મનમાં ને મનમાં દબાવી રાખ્યું. એને દારૂ પીવાની આદત લાગી ગઈ. હતાશા વધતી ગઈ અને

થોડા દિવસમાં એને આત્મહત્યાના વિચારો આવવા માંડ્યા. એક દિવસ નશાની હાલતમાં એણે પોતાનો જીવ લેવાનો પ્રયત્ન પણ કર્યો.

સાતમાંથી સરેરાશ એક ભારતીય માનસિક સ્વાસ્થ્યસંબંધી સમસ્યાથી પીડાય છે. માનસિક સ્વાસ્થ્ય અંગેની જાગૃતિ વધી રહી છે, પરંતુ ભાવનાત્મક સમસ્યાથી પીડાતા પુરુષો હજી પણ મદદ લેવામાં અચકાય છે. શા માટે? એક કારણ એ છે કે પુરુષોની પીડા અલગ છે. આ સમજવા અમુક હકીકત જાણો...