ગાગરમાં સાગર ભરતાં અવતરણ

જુઓ ધ્યાન ખેંચાય સૌનું હવે ખરી વાત જો અવતરણમાં હશે.

- હિતેન આનંદપરા

અવતરણ વાતનો સાર પ્રતિબિંબિત કરે છે. કોઈ ઘટના કે કોઈ આ અનુભવનો નિચોડ હેવત સ્વરૂપે કે અવતરણ સ્વરૂપે મળતો હોય છે. સુરેશ દલાલ અનેક વાર અવતરણોના પુસ્તકનો પરિચય ચિત્રલેખાની ઝલક કટારમાં કરાવતા ત્યારે ગાગરના સાગરનો અહેસાસ થતો. આજે થોડાંક અવતરણોને આંખોથી વધાવી શાણપણ અને સમજણમાં ઉમેરો કરીએ.

આચાર્ય રજનીશ સંન્યાસની ગહનતા વ્યક્ત કરતાં કહે છે: ‘સાચો સંન્યાસી એ છે કે જેની પત્ની એક દિવસ મા બની જાય.’ અનેક શોધખોળો કરનાર મહાન વિજ્ઞાની આઈન્સ્ટાઈનની વાત બુદ્ધિજીવીઓને વિચારતા કરી મૂકે એવી છેઃ ‘વિજ્ઞાન વિનાનો ધર્મ આંધળો છે અને ધર્મ વિનાનું વિજ્ઞાન અપંગ છે.’ ચાતુરીભર્યા વિધાન માટે ખ્યાતનામ ઓસ્કાર વાઈલ્ડ સ્પષ્ટતાપૂર્વક કહે છે: ‘પ્રાર્થનાનો જવાબ ન હોવો હોઈએ. જો જવાબ મળે તો પત્રવ્યવહાર થાય, પ્રાર્થના નહીં.’