സ്നാനസ്ഥലികൾ

വായന

-  സി. അനൂപ്

അരവിന്ദൻ കവിത എഴുതുകയല്ല കവിത അരവിന്ദനെ പിന്തുടരുകയാണ്. സ്വന്തം മനസ്സിന് അതേ മനസ്സിനോടും മറ്റുള്ളവരുടെ മനസ്സിനോടും ചിലത് പറയാനുണ്ടാവുക. അത് പറയുക. അതാണ് അരവിന്ദന്റെ കവിതകളുടെ പൊതുഘടന . അതിന് പ്രസ്ഥാന വ്യത്യാസത്തിൽ വരു ന്ന ഭാഷയുടേയോ രചനാ രീതിയുടേയോ വൈചിത്ര്യങ്ങൾ അകമ്പടിയാകുന്നില്ല.

80 കളുടെ രണ്ടാം പകുതിയിലാണ് അരവിന്ദൻ എന്ന സഹപാഠിയുടെ കവിതകൾ ഞങ്ങൾ സുഹൃത്തുക്കളുടെ ശ്രദ്ധയിലേക്ക് വരുന്നത്. ഏത് ആൾ കൂട്ടത്തിലും ഞാൻ ഏകനാണ് എന്ന ഭാവത്തിലായിരുന്നു അരവിന്ദന്റെ നടപ്പ്. ക്ലാസ് മുറിയിൽ പാ.ചെറുകുന്നം പു രുഷോത്തമക്കുറുപ്പ്, രാജേന്ദ്രപ്രസാദ്, വാസുദേവൻ പിള്ള, രവീന്ദ്രൻ ഉണ്ണി ത്താൻ, കെ.എസ് രവികുമാർ, സു ധാകരക്കുറുപ്പ്, രാധാകൃഷ്ണ പിള്ള ശശിധരക്കുറുപ്പ്, രോഹിണി പിള്ള , കുസുമകുമാരി തുടങ്ങിയ ഗുരുക്ക ന്മാരുടെ ക്ലാസുകൾ ഞങ്ങൾ ബി.എ മലയാളം വിദ്യാർഥികളെ വായനയുടെ ഗോപുരനടയിലേക്ക് നയിച്ച കാലം! അന്നൊരു നാൾ ക്ലാസുമുറിയിൽ വെച്ച് അരവിന്ദൻ ആ രഹസ്യത്തിന്റെ താക്കോൽ തുറന്നു. ഒരു നോട്ടു പുസ്തകത്തിന്റെ താളുകളിൽ തന്റേതു മാത്രമായ രീതിയിൽ കവിതകൾ  കുറിച്ചു വെച്ചിരുന്നു.