ഡിസ്ലെക്സിയയോ? കൈപിടിച്ചുയർത്താൻ ഞങ്ങളുണ്ട്

അസഹിഷ്ണുതയും അക്ഷമയയും സ്വാർത്ഥതാൽപര്യങ്ങളും ദിനംപ്രതി വർദ്ധിച്ചു വരുന്ന ഈക്കാലത്ത് സ്വന്തം താല്പര്യങ്ങൾക്ക് ഉപരി മറ്റുള്ളവരുടെ ഉന്നമനത്തിനായി നിലകൊള്ളുക എന്നത് പ്രശംസനീയം തന്നെയാണ്

- എ. പ്രജിൻ ബാബു- ട്രാവൻകൂർ എഡ്യൂക്കേഷൻ ട്രസ്റ്റ് സ്ഥാപകനും & ചെയർമാനുമാണ് ലേഖകൻ: 9446302728)

അസഹിഷ്ണുതയും അക്ഷമയയും സ്വാർത്ഥതാൽപര്യങ്ങളും ദിനംപ്രതി വർദ്ധിച്ചു വരുന്ന ഈക്കാലത്ത് സ്വന്തം താല്പര്യങ്ങൾക്ക് ഉപരി മറ്റുള്ളവരുടെ ഉന്നമനത്തിനായി നിലകൊള്ളുക എന്നത് പ്രശംസനീയം തന്നെയാണ്. സാമൂഹ്യ സേവനം പോലും മാധ്യമങ്ങളെയും അതിലൂടെ ജനങ്ങളേയും ബോധിപ്പിക്കാൻ മാത്രം ഉള്ള പ്രഹസനമായി മാറുമ്പോൾ ആണ് ഇന്നും നമ്മുടെ സമൂഹത്തിൽ സുപരിചിതമായി തീരാത്ത ഡിസ്ലെക്സിയ അഥവാ പഠനവൈകല്യ ബാധ്യതർക്കായി വിദ്യാലയം ആരംഭിച്ചു കൊണ്ട് ഞങ്ങൾ വ്യത്യസ്തരാകുകയായിരുന്നു. ജീവിതത്തിൽ പ്രതിസന്ധി നേരിടുമ്പോൾ പിൻമാറാനും സമൂഹത്തിന്റെ കീഴ് വഴക്കങ്ങളെ പരിചാരാനും എളുപ്പമാണ്. എന്നാൽ അതിനൊന്നും സമയം കളയാതെ മാറ്റത്തിന് സ്വയം പര്യാപ്തരാവുക എന്ന ലക്ഷ്യത്തോടെ തിരുവനന്തപുരത്ത് സ്ഥാപിച്ച ട്രാവൻകൂർ നാഷണൽ സ്കൂളിന് പത്ത് വർഷം പൂർത്തിയാകുന്നു.

സംസാരിക്കാനുള്ള ബുദ്ധിമുട്ട് എന്ന അർത്ഥം വരുന്ന വാക്കാണ് ഡിസ്ലെക്സിയ. ഇത് കൂടാതെ പഠിക്കാനും എഴുതാനും വായിക്കാനും ഉള്ള ബുദ്ധിമുട്ടും ഇവരിൽ സാധാരണം ആണ്. എന്നാൽ കുട്ടികളുടെ പൊതുവായ ബുദ്ധി സാമാർത്ഥ്യത്തെ ഈ അവസ്ഥ ബാധിക്കാറില്ല. അതായത് ഒരു പഠനവൈകല്യം മാത്രമാണ് ഡിസ്ലെക്സിയ. ഇത്തരം സാഹചര്യത്തിൽ പഠിക്കാൻ പിന്നിലേയ്ക്കായ മക്കളെ കുറ്റപ്പെടുത്തുകയോ മറ്റുള്ളവരുടെ മുന്നിൽ നാണം കെടുത്തുകയോ അല്ല മാതാപിതാക്കൾ ചെയ്യേണ്ടത്. മറിച്ച് അവരുടെ പ്രശ്നങ്ങൾ സമാധാന പൂർവ്വം ചോ ദിച്ചു മനസ്സിലാക്കുകയാണ് വേണ്ടത് അല്ലാതെ മക്കളെ തമ്മിൽ താരതമ്യപ്പെടുത്തുന്നതും മറ്റുള്ളവരുടെ മുന്നിൽ അപമാനിക്കുന്നതും അവരിൽ മാതാപിതാക്കളോടുള്ള വിശ്വാസക്കുറവ് ഉണ്ടാക്കുവാൻ കാരണമാവുകയും അതിലൂടെ അവരുടെ പ്രശ്നങ്ങൾ തുറന്നു പറയാൻ മടി ഉണ്ടാവുകയും ചെയ്യും. അത്തരം സാഹചര്യങ്ങൾ ഉണ്ടാകാതിരിക്കാൻ രക്ഷിതാക്കൾ പ്രത്യേകം ശ്രദ്ധിക്കണം.

പഠനവൈകല്യം തിരിച്ചറിയുക

സ്കൂളിൽ പോകാൻ നിരന്തരമായി മടി കാണിക്കുക, പഠിക്കാതിരിക്കുക, അക്ഷരങ്ങൾ മാറി പോവുക, എഴു തുമ്പോൾ തുടർച്ചയായി ഒരക്ഷരമോ സംഖ്യയോ വിട്ട് പോവുക, അക്ഷരങ്ങൾ തലതിരിച്ച് എഴുതുക, സംസാ രിക്കാൻ ബുദ്ധിമുട്ട് തോന്നുക, വാക്യങ്ങൾ തലതിരിച്ച് വായിക്കുക, ചില വാക്കുകൾ പറയാൻ കഴിയാതെ വരുക, എന്നിവയും കണ്ട് വരുന്നു. പറയാൻ പ്രയാസമുള്ള വാക്കുകൾക്ക് പകരം മറ്റ് ഭാഷയിലെ വാക്കുകളോ അല്ലെ ങ്കിൽ അറിയാവുന്ന മറ്റു വാക്കുകൾ ഉപയോഗിച്ചോ ഇവർ ഇത്തരം ബുദ്ധിമുട്ടിനെ മറികടക്കുന്നു.