ఉరుకు పటేల

ప్రకాష్ రాజ్ దర్శకత్వం వహించిన 'ఉలవచారు బిర్యానీ'తో కథానాయకుడిగా పరిచయమైన యువకుడు తేజస్ కంచర్ల. 'హుషారు'తో విజయం అందుకున్నారు.

ప్రకాష్ రాజ్ దర్శకత్వం వహించిన 'ఉలవచారు బిర్యానీ'తో కథానాయకుడిగా పరిచయమైన యువకుడు తేజస్ కంచర్ల. 'హుషారు'తో విజయం అందుకున్నారు. పాయల్ రాజ్పుత్ 'ఆర్డిఎక్స్ లవ్ 'లోనూ హీరోగా నటించారు. అయితే... ఆ సినిమా ఆశించిన విజయం అందుకోలేదు. చిన్న గ్యాప్ తీసుకుని 'ఉరుకు పటేల' అంటూ ఈ రోజు థియేటర్లలోకి వచ్చారు. వినాయక చవితి సందర్భంగా నేడు థియేటర్లలోకి వచ్చిన ఈ సినిమా ఎలా ఉంది? మ్యాటర్ ఏంటి? అనేది రివ్యూలో చూద్దాం.

కథ : ఊరి సర్పంచ్ రామరాజు (గోపరాజు రమణ) కుమారుడు పటేల (తేజస్ కంచర్ల). చదువుకున్న అమ్మాయిని పెళ్లి చేసుకోవాలని అతని కోరిక.ఏడో తరగతిలో చదువు ఆపేసిన పటేలను పెళ్లి చేసుకోవడానికి ఆ ఊరి అమ్మాయిలే కాదు.... చుట్టుపక్కల గ్రామాల అమ్మాయిలు కూడా ముందుకు రారు. అటువంటి పరిస్థితిలో స్నేహితుడి పెళ్లిలో పరిచయమైన డాక్టర్ అక్షర (ఖుష్బూ చౌదరి) ప్రేమిస్తుంది. పటేలను అక్షర ప్రేమించడానికి కారణం ఏమిటి? అక్షర అంటే ఇష్టం ఉ న్నప్పటికీ ఆమెను పెళ్లి చేసుకోనని పటేల ఎందుకు చెప్పాడు? అక్షయ పుట్టినరోజు నాడు ఆమె ఆస్పత్రికి వెళ్లిన పటేల ఎందుకు భయం పరుగులు తీశాడు? ఆ తర్వాత ఏమైంది? అనేది సినిమా చూసి తెలుసుకోవాలి.