తమలపాకుతో తమాషా..కిల్లీ కధా కమామిషు

రెండు తమలపాకులు, ఒక వక్క ముక్క, కాస్త సున్నం రాసి నోట్లో వేసుకుంటే ఉంటుంది

- (ఐ.ప్రసాదరావు, 9948272919)

రెండు తమలపాకులు, ఒక వక్క ముక్క, కాస్త సున్నం రాసి నోట్లో వేసుకుంటే ఉంటుంది మరి..అదే నండి " కిళ్లీ ( పాన్)". యన్.టి.ఆర్ నటించిన “ యుగంధర్” సినిమాలోని " ఓరబ్బా వేసుకున్నా కిళ్ల" అనే పాట గుర్తుకు వస్తుంది కదా... అది కిళ్లీ లో ఉన్న మజా...చిన్న పిల్లల నుండి పండు ముదుసలి వరకూ భారతదేశంలో భోజనం అనంతరం ఇష్టపడే ఒకే ఒక్క చిరు ఆహారం (మౌత్ ఫ్రెషనర్) కిళ్లీ. ఇక ఈ కిళ్లీ కధా కమామీషు తెలుసుకుందాం... సుమారు 5000 సంవత్సరాలు పూర్వం నుండి భారతదేశంలో కిళ్లీ నమిలే అలవాటు ఉన్నట్లు తెలుస్తోంది. కిళ్లీ, “పాన్” అనే మాట “పర్ణ (ఆకు)” అనే సంస్కృత పదం నుండి వచ్చింది. పాన్ అంటే తమలపాకు అని అర్థం. తూర్పు దేశాలలో కూడా పాన్ తినే అలవాటు ఉన్నట్లు తెలుస్తోంది.

(ఐ.ప్రసాదరావు, 9948272919)

ఇక పాన్ అంటే తమలపాకు, వక్కతో ముడిపడి ఉంది. ఈ పాన్ తింటే ఒక గౌరవంగా, సాంప్రదాయంగా, అలవాటుగా భావిస్తారు. ముఖ్యంగా భోజనం అనంతరం కిల్లీ వేసుకుంటే నోరు మంచి సువాసన వెదజల్లుతూ, మంచి అనుభూతి కలుగుతుంది. మౌత్ ఫ్రెషనర్ గా, అజీర్తి మలబద్దకం నివారణకు కిల్లీ ఉపయోగపడుతుంది అని పలువురు భావిస్తుంటారు. అందుచేతనే కిళ్లీ అంటే అందరికీ ఇష్టం. దీనిలో వివిధ రకాలను ఆస్వాదిస్తారు...