విశాఖ బిడ్.. అంతా ట్రాష్

•''ఆసక్తి వ్యక్తీకరణ బిడ్ల' నిబంధనలు ఇవే..! • అసలు ప్లాంటు అమ్మకం బిడ్లు కావు.! • తెలంగాణ సర్కారుకు ఛాన్సే లేదు.!

•''ఆసక్తి వ్యక్తీకరణ బిడ్ల' నిబంధనలు ఇవే..! 

• అసలు ప్లాంటు అమ్మకం బిడ్లు కావు.!

• తెలంగాణ సర్కారుకు ఛాన్సే లేదు.!

• 'ఎక్స్ప్రెషన్ ఆఫ్ ఇంట్రస్ట్' డాక్యుమెంట్లో దాగిన అసలు నిజం

• ఏడాది క్రితమే కేంద్రం కసరత్తులు

• అసలు 'సింగరేణి' బిడ్ వేయలేదు.!

• తాడిచర్ల కోల్ మైన్ను 40 ఏళ్ళకు లీజు ఏమిటి.? ఇందుకు కేంద్రం నో..!

(అనంచిన్ని వెంకటేశ్వరరావు, ప్రముఖ పరిశోధన పాత్రికేయులు)

హైదరాబాద్ 12 ఏప్రిల్ (ఆదాబ్ హైదరాబాద్): ఎన్నికల గడువు సమీపిస్తోంది. రాజకీయులు 'నరం లేని నాలుక'తో తమకు తోచింది మాట్లాడతారు. విశాఖ స్టీల్ ప్లాంట్ విషయంలో జరుగుతున్న రాద్దాంతం వేరు. నిబంధనలు వేరు. ఇది ఎవరు చెప్పాలి.? పత్రికలు చెప్పాలి. ప్రతిపక్ష పార్టీలు మాట్లాడాలి.  అందరూ.. పై, పై దొంతరులకోసం పాకులాడటం తప్ప నిజం గ్రహించిన మేథావులు ఎంత మంది. ? తెలంగాణ, ఆంధ్రప్రదేశ్ ప్రజల మనోభావాలతో ఆటలాడుకుంటున్న 'వైజాగ్ స్టీల్ ప్లాంట్'పై ఈ పరిశోధన కథనం. జస్ట్ చదవండి. ఈ శతాబ్ది ప్రముఖ పరిశోధన పాత్రికేయులు అనంచిన్ని వెంకటేశ్వరరావు 'ఆదాబ్ హైదరాబాద్' ద్వారా అందిస్తున్న ప్రత్యేక కథనం ఇది.

ఓరి దొరా..! నీ ఏం తెలివితేటలు.. విశాఖపట్టణం స్టీల్ ప్లాంటును తెలంగాణ ప్రభుత్వం టేకోవర్ చేస్తుందా..? ఇదీ కీలకమైన ప్రశ్న? 'చేయదు' అనేది జవాబు. 'చేయలేదు' అనేది వివరణ. 'అబ్బే, ప్రభుత్వం కాదు, సింగరేణి కంపెనీతో కొనుగోలు చేయిస్తారు' అని కొందరి స్పష్టీకరణ. 'అది కూడా జరగదు' అనేది సత్యం. 'దొర పొలిటికల్ ఫాయిదా' కోసం పన్నిన తెలివైన ఎత్తుగడ ఇది.! రావల్సినంత పొలిటికల్ మైలేజీ రాగానే మళ్లీ విశాఖ స్టీల్ ప్లాంట్ అనే మాట మాట్లాడడు.ఇంకాస్త లోతుల్లోకి వెళ్లాం.