నెరేడ్మెట్ డైట్ కళాశాల మూసివేసే కుట్ర..!

• ప్రాథమిక విద్యను బలోపేతం చేయడమే డైట్ కళాశాల లక్ష్యం • డైట్ కళాశాలల్లో తెలుగు, ఆంగ్ల మాధ్యమాలు 

• ప్రాథమిక విద్యను బలోపేతం చేయడమే డైట్ కళాశాల లక్ష్యం

• డైట్ కళాశాలల్లో తెలుగు, ఆంగ్ల మాధ్యమాలు 

• ఉమ్మడి జిల్లా కేంద్రాల్లో ఉర్దూ మాధ్యమంలో బోధన

• ప్రతి మాధ్యమంలో 50 సీట్లు.. మొత్తం 300 సీట్లు

• జాతీయ విద్యా విధానం 1986లో భాగంగా ఏర్పాటు

• కోట్ల విలువచేసే నెరేడ్మెట్ డైట్ కళాశాల భూమి అన్యాక్రాంతం చేసే దిశగా చర్యలు

• విద్యాశాఖ మంత్రి దృష్టిపెట్టాలి : విద్యా వేత్తలు

హైదరాబాద్ 27 జులై (ఆదాబ్ హైదరాబాద్: హైదరాబాద్ నెరేడ్మెట్ లో నెలకొని ఉన్న డైట్ కాలేజీకి ఎంతో చరిత్ర ఉంది..ఎంతోమంది ఉపాధ్యాయులను అందించిన ఈ కళాశాలకు ఇప్పుడు గ్రహణం పట్టింది..ప్రాధమిక విద్యను బలోపేతం చేయాలనే లక్ష్యానికి తూట్లు పడ్డాయి.. కేవలం కొందరు అధికారులు నిర్లక్ష్యం వల్ల ఈరోజు నెరేడ్మెట్ డైట్ కళాశాల మూతపడే దౌర్భాగ్యం నెలకొంది.. ఈ కళాశాల మూసివేత వెనుక ఏదైనా కుట్ర దాగివుందా అన్న అనుమానాలు వ్యక్తం చేస్తున్నారు విద్యా మేధావులు.. తెలంగాణ రాష్ట్రంలో అసలే విద్యా వ్యవస్థ భ్రష్టుపట్టి పోయింది.. ఈ క్రమంలో ఇప్పుడు నెరేడ్మెట్ డైట్ కళాశాలను కూడా మూసేసి, అటు ప్రాధమిక విద్యను భూస్థాపితం చేయడమే కాకుండా, ఇటు నిరుద్యోగ సమస్యకు ఊపిరిపోసేలా ప్రభుత్వ ప్రభుత్వ చర్యలు ఉండటం శోచనీయం..