ప్రధాని అభ్యర్థిగా ఖర్గే..? ?

• మమత బెనర్జీ, కేజీవాల్ మద్దతు • సున్నితంగా తిరస్కరించిన ఖర్గే • ఎన్నికల తరువాతే చర్చిద్దామన్న చీఫ్

• ముగిసిన ఇండియా కూటమి భేటీ..

• 141 ఎంపీల సస్పెన్షన్ పై మండిపాటు

• 22న దేశ వ్యాప్తంగా ఆందోళన పిలుపు

• జనవరి రెండో వారంలోగా సీట్ల పంపకాలు

న్యూఢిల్లీ, 18 డిసెంబర్ (ఆదాబ్ హైదరాబాద్) : దేశ రాజధాని ఢిల్లీలో ఇండియా కూటమి సమావేశం వాడీవేడిగా జరిగింది. బీజేపీని ఎదుర్కోవడానికి ఉమ్మడి వ్యూహం, గత అనుభవాలతోపాటు.. తాజా రాజకీయ పరిస్థితులపై ఇండియా కూటమి నేతలు చర్చించారు.ఇండియా కూటమి ప్రధాని అభ్యర్ధిగా కాంగ్రెస్ అధ్యక్షుడు మల్లిఖార్జున్ ఖర్గే పేరును బెంగాల్ సీఎం మమత ప్రతిపాదించారు. మమత ప్రతిపాదనను ఢిల్లీ సీఎం కేజ్రివాల్ సమర్థించారు. ఈవీఎంలపై కూడా ఈ సమావేశంలో చర్చించారు.కానీ, దీనిని ఖర్గే సున్నితంగా తిరస్కరించినట్టు పేర్కొన్నాయి. మొదట ఎన్నికల్లో గెలుద్దామని, తరువాత ప్రధాని అభ్యర్థిపై చర్చిస్తామని మల్లికార్జున ఖర్గే పేర్కొన్నారు. సార్వత్రిక ఎన్నికలకు సమయం దగ్గరపడుతున్న వేళ తాజాగా జరిగిన విపక్షాల కూటమి 'ఇండియా' భేటీ ముగిసిన అనంతరం ఖర్గే మీడియాతో మాట్లాడారు.