గొర్రెల స్కీంలో అవినీతి తిమింగలం

• వంగాల వందల కోట్ల అక్రమ అర్జన.. • యూనిట్కు రూ.10-18 వేల కమీషన్  • రీసైక్లింగ్ ద్వారా 50 శాతం నొక్కివేత..!

• కమీషన్ల శుక్రాచార్యుడిగా మాజీ డైరెక్టర్ లక్ష్మారెడ్డి..! 

• డాక్టర్, అసిస్టెంట్ డైరెక్టర్ ద్వారా యవ్వారం

• గతంలో పశుక్రాంతి పథకంలోనూ వంగాల చేతివాటం.. కొత్త సర్కార్ దృష్టి పెడితే వాస్తవాలు బయటకొచ్చే ఛాన్స్

హైదరాబాద్ 02 జనవరి (ఆదాబ్ హైదరాబాద్ : కేసీఆర్ ప్రభుత్వం 2017లో గొల్లకుర్మ-యాదవుల కోసం ప్రారంభించిన గొర్రెల పంపిణీ స్కీంలో జరిగిన అవకతవకలకు కారణమైన అవినీతి తిమింగలంపై స్పష్టత వస్తోంది. ఈ అవినీతి తిమింగలమే తాను, తన తాబేదార్ల ద్వారా అందినకాడికి వందల కోట్లు కమీషన్ల రూపంలో దండుకొని ప్రభుత్వంలోని పెద్దలకు ఆయాచిత లబ్ధి చేకూర్చినట్లు తెలుస్తోంది. ఈ అవినీతి మాజీ ఉన్నతాధికారి వల్లే దాదాపు గొర్రెల, మేకల ఫెడరేషన్ పూర్తిగా భ్రష్టుపట్టిపోయినట్లు సమాచారం. బీఆర్ఎస్ సర్కార్ 2017లో తెలంగాణ రాష్ట్ర గొర్రెల మరియు మేకల అభివృద్ధి కాబడిన సహకార సమాఖ్య ద్వారా గొల్ల-కుర్మలు-యాదవులకు సబ్సీడి పద్ధతిన గొర్రెలు పంపిణీ చేయాలని నిర్ణయించిన విషయం తెలిసిందే. ఈ స్కీంను అప్పటి ప్రభుత్వం చాలా ప్రతిష్టాత్మకంగా తీసుకుంది. ఇందుకోసం గైడ్ లైన్స్ నూ రూపొందించి మార్గదర్శకాలను విడుదల చేసింది. ఎంపిక లబ్దిదారులకు ఒక్కో యూనిట్ చొప్పున సరఫరా చేయాలని నిర్ణయించింది. యూనిట్ కు 20 గొర్రెలు, ఒక పొట్టేల్ ను ఇవ్వాలని డిసిషన్ తీసుకుంది. ఇందులో లబ్ధిదారుడు 25 శాతం భరించగా.. అప్పటి ప్రభుత్వమే 75 శాతం చెల్లించింది. అంటే ధరను సర్కార్ యూనిట్ రూ.1.25 లక్షలుగా నిర్ణయించగా.. ప్రభుత్వం రూ.93,750 వేలు, లబ్ధిదారుడు రూ.31,250 వేల చొప్పున చెల్లించారు.

గొర్రెల పంపిణీ స్కీం కాదు.. కమీషన్ల స్కాం..!