కొత్త ప్రభుత్వంలో మొదలైన కొలువుల జాతర

సీఎం రేవంత్ చేతుల మీదగా 7094మంది స్టాఫ్ నర్సులకు నియామక పత్రాల అందజేత

• ముందే చెప్పిన కదా.. వాళ్ల కొలువులు పొతేగాని మీకు కొలువు రావని..

• ఇచ్చిన మాట నిలబెట్టుకున్నాం..

• ప్రతి నిరుద్యోగి కల సాకారం చేస్తాం..

• త్వరలో మరిన్ని కొలువులు భర్తీ చేస్తాం 15 వేలకు పైగా పోలీస్ ఉద్యోగాల నియామకాలకు కసరత్తు..

• నిరుద్యోగుల ఆశలను నెరవేర్చడమే ప్రభుత్వ ధ్యేయం : సీఎం రేవంత్రెడ్డి కార్యక్రమానికి హాజరైన మంత్రులు, పలువురు అధికారులు 

హైదరాబాద్ 31 జనవరి (ఆదాబ్ హైదరాబాద్: కొత్త ప్రభుత్వ ఆధ్వర్యంలో తొలిసారిగా కొలువుల జాతర హైదరాబాద్ ఎల్బీ స్టేడియంలో జరిగింది.. కొత్తగా ఎంపికైన 7094 మంది స్టాఫ్ నర్సులకి ముఖ్యమంత్రి రేవంత్ రెడ్డి బుధవారం నియామక పత్రాలను అందించారు. ఎల్బీ స్టేడియం వేదికగా జరిగిన ఈ కార్యక్రమం కోసం అధికార యంత్రంగం భారీ ఏర్పాట్లు చేసింది. దాదాపు 2 ఏళ్ల క్రితమే నోటిఫికేషన్ ఇచ్చినప్పటికీ అనేక కారణాలతో స్టాఫ్ నర్స్ భర్తీ ప్రక్రియ కొంత నత్తనడకన సాగింది. ఇటీవల స్టాఫ్ నర్స్ మెరిట్ లిస్ట్ ప్రకటించిన సర్కారు నేడు స్టాఫ్ నర్స్ పోస్టులకు ఎంపికైన వారికి నియామక పత్రాలను అందించింది. ఈ సందర్భంగా రేవంత్ రెడ్డి మాట్లాడుతూ తెలంగాణ హైకోర్టులో ఉన్న కేసును పరిష్కరించి ఉద్యోగాలు ఇస్తున్నామని తెలిపారు. నర్సింగ్ ఆఫీసర్ల ఆనందంలో సర్కార్ భాగసామ్యం అవుతోందని తెలిపారు..

నిరుద్యోగులకు గుడ్ న్యూస్ చెప్పిన రేవంత్రెడ్డి