అంతా నా ఇష్టం నన్నెవరు అడిగేది

• ప్రజాధనాన్ని ప్రైవేటు వ్యక్తులకు ఖర్చు.. ఓ కలెక్టర్, మాజీ మంత్రి అండదండలతోనే జరిగిందా?

• ప్రైవేటు ఫంక్షన్ హాల్కి ప్రభుత్వ నిధులు మంజూరు చేయడంలో ఆంతర్యం ఏమిటి 

• భ్రమరాంబ కన్వెన్షన్కి మాజీ మంత్రి ఎర్రబెల్లికి సంబంధం ఏమిటి 

• నిధుల మంజూరులో కలెక్టర్ పాత్ర ఏమిటి? పంచాయతీ సెక్రెటరీని ఎలా ఆదేశిస్తారు!

• ఆలస్యంగా తెర మీదికి మాజీ సర్పంచ్ భర్త నిర్వాకం

హైదరాబాద్ 11 మార్చి (ఆదాబ్ హైదరాబాద్): జనగామ జిల్లా, లింగాల గణపురం మండలం, నెల్లుట్ల గ్రామ శివారులోని కలెక్టర్ కార్యాలయానికి కూతవేటు దూరంలో ఉన్న భ్రమరాంబ కన్వెన్షన్ ఫంక్షన్ హాల్ కు మాజీ మంత్రి ఎర్రబల్లి దయాకర్ రావు ప్రభుత్వ నిధులు ఖర్చు చేసి సీసీ రోడ్డేశారు.. ఇప్పుడు ఇదే అంశంపై గ్రామస్తుల ఫిర్యాదు మేరకు ఆదాబ్ హైదరాబాద్ పత్రిక అన్వేషణ మొదలు పెట్టింది. నిజానికి ఈ కన్వెన్షన్ హాల్ కు పరిసర ప్రాంతాల్లో జన సంచారం చాలా తక్కువ. ఈ ఫంక్షన్ హాల్ ను అనుకోని ఒక్క ఇల్లు కూడా లేదు. ఇలాంటి ప్రాంతానికి సీసీ రోడ్డు వెయ్యాలని మాజీ మంత్రికి ఎందుకు అనిపించింది. మంత్రి హెూదాలో తన పరిధిలోని నిధులను ప్రయివేటు వ్యక్తులకు ఎలా కేటాయిస్తారు. ప్రజాధనం దుర్వినియోగంపై అడ్డు చెప్పాల్సిన జిల్లా అధికారులు.. ఎందుకు మౌనంగా ఉన్నారు.. తమ గ్రామంలో జరుగుతున్న అవినీతిని, అక్రమాలను అడ్డు కోవాల్సిన అప్పటి గ్రామస్థాయి సెక్రటరీ, మాజీ సర్పంచ్, ఆమె భర్త ఎందుకు అడ్డు చెప్పలేదు.. జిల్లా అభివృద్ధికి ఖర్చు చేయాల్సిన నిధులను దారిమళ్లిస్తుంటే ప్రభుత్వం ఎందుకు ద్రుష్టి సారించలేదు.. ఎవరున్నారు దీని వెనుక.. భ్రమరాంబ కన్వెన్షన్ ఫంక్షన్ హాల్ సీసీ రోడ్డు వ్యవహారంపై ఆదాబ్ హైదరాబాద్ అందిస్తున్న విశ్లేషణాత్మక కథనం..

భ్రమరాంబ కన్వెన్షన్ కు మాజీ మంత్రి ఎర్రబెల్లికికి సంబంధం ఏంటి ?