శిథిలాల రాష్ట్రాన్ని అభివృద్ధి పథం వైపు మళ్ళిస్తా..

• ప్రజలు ఇచ్చిన తీర్పుతో సమిష్టి కృషి చేస్తాం • ఆర్థిక రాజధానిగా విశాఖపట్టణం అభివృద్ధి • అమరావతే మన రాష్ట్ర రాజధాని

• అభివృద్ధి కోసం అహర్నిశలు కృషి

• కక్ష సాధింపు చర్యలకు పూర్తిగా దూరం

• తప్పుచేసిన వారిని మాత్రం వదిలేది లేదు

• పోలవరం పూర్తి చేస్తాం.. నీళ్లు రప్పిస్తాం

• కేంద్రంలో మూడు పదవులతో సముచిత స్థానం

• ఎన్డీయే పక్ష నేతగా ఎన్నికయ్యాక బాబు ప్రసంగం

అమరావతి 11 జూన్ (ఆదాబ్ హైదరాబాద్): రాష్ట్ర చరిత్రలో ఎప్పుడూ ఇవ్వని తీర్పును ప్రజలు ఇచ్చారని తెదేపా అధినేత చంద్రబాబు అన్నారు. అందుకు అనుగుణంగా స్టేట్ ఫస్ట్ అన్న విధానంతో ముందుకు పోతామని చంద్రబాబు అన్నారు. సిఎం అయినా ఎవరైనా అంతా ఒక్కటేనని, ప్రజలే మనకు ముఖ్యమని అన్నారు. తెదేపా-జనసేన - భాజపా కూటమి శాసనసభా పక్ష భేటీ విజయవాడలో జరిగింది. ఈ సమావేశంలో ఎన్డీయే శాసనసభా పక్ష నేతగా చంద్రబాబును ఎన్నుకున్నారు.