ఫిరాయింపులే కాంగ్రెస్ అజెండా..

• బీఆర్ఎస్ బాటలోనే కాంగ్రెస్ పార్టీ • గాంధీ భవన్కు.. తెలంగాణ భవన్ కు తేడా లేదు.

• విష ప్రచారం, తప్పుడు హామీలే గెలిపించాయ్

• ఆరు గ్యారెంటీల అమలులో కాంగ్రెస్ విఫలం

• తక్కువ సమయంలోనే ప్రజల విశ్వాసాన్ని కోల్పోయింది

• రేవంత్ సొంత జిల్లాలో కూడా బీజేపీ జెండా ఎగిరింది

• రాష్ట్రంలో 35 శాతానికి పెరిగిన బీజేపీ ఓటు బ్యాంకు

• బీజేపీ కార్యవర్గ సమావేశంలో కేంద్ర మంత్రి కిషన్ రెడ్డి

కాంగ్రెస్ ప్రభుత్వం అతి తక్కువ కాలంలో ప్రజా విశ్వాసం కోల్పోయింది.పార్టీ రోజుల్లో ఆరు అమలు చేస్తామని అధికారంలో వచ్చింది. వంద రోజుల దేవుడెరుగు..ఎనిమిది నెలలు కావస్తున్నా ఇచ్చిన హామీలను అమలు చేయలేదు.

హైదరాబాద్ 12 జూలై (ఆదాబ్ హైదరాబాద్): అసెంబ్లీ, లోక్సభ ఎన్నికల్లో కష్టపడి పని చేసి మంచి ఫలితాలు సాధించిన కార్యకర్తలకు కేంద్రమంత్రి కిషన్రెడ్డి కృతజ్ఞతలు తెలిపారు.తెలంగాణ అమరుల ఆకాంక్షలను నెరవేర్చేది భాజపా ఒక్కటేనని చెప్పారు. గాంధీ భవన్కు.. తెలంగాణ భవన్కు తేడా లేదని కాంగ్రెస్, భారాసలను ఉద్దేశించి వ్యాఖ్యానించారు. కాంగ్రెస్ ఇచ్చిన ఆరు గ్యారెంటీలను అమలు చేయడం లేదన్నారు.