'అమ్మా' బైలెల్లినాదో..

దివ్య స్వరూపిణిగా మహాకాళి అమ్మవారు ఘనంగా ఉజ్జయిని మహంకాళి భోనాలు..

తొలి బోనం సమర్పించిన మంత్రి పొన్నం

అమ్మవారిని దర్శించుకున్న సీఎం రేవంత్

ఎడతెరపిలేని వానలో భారీగా వచ్చిన భక్తులు

నేడు రంగం, ఘటాల ఊరేగింపు

నగరంలో వెల్లివిరిస్తున్న ఆధ్యాత్మిక శోభ

సేవలు అందించిన స్వచ్ఛంద సంస్థలు

భక్తులకు ఆటంకాలు... పోలీసుల తీరుపై ఆగ్రహం

హైదరాబాద్ 21 జూలై (ఆదాబ్ హైదరాబాద్) : తెలంగాణ రాష్ట్రమంతట బోనాల నేపథ్యంలో పండుగ వాతావరణం నెలకొంది. బోనం అంటే భోజనం అని అర్ధం. కుండలో అమ్మవారికి భోజనం (నైవేద్యం) తీసుకెళ్లి అమ్మవారికి అర్పించి మరల ఇంటికి ప్రసాదంగా తెచ్చుకుంటారు. ఇలా అనాదిగా వస్తున్న పాటిస్తున్నారు. తమ ఆచార సంప్రదాయాలను అనుసరించి బోనాలు జరుపుకుం టారు.

హైదరాబాద్ లో బోనాలను ఎంతో వేడుకగా జరుపుకుంటారు. లష్కర్ బోనాల జాతర ఆదివారం అత్యంత వైభవంగా జరిగింది. ఉదయం నాలుగు గంటల నాలుగు నిమిషాలకు ఆలయాన్ని తెరిచిన పూజారులు, అర్చకులు అమ్మవారికి మొదటి హారతిని ఇచ్చారు. మంత్రి పొన్నం ప్రభాకర్ కుటుంబ సమే తంగా అమ్మవారికి పట్టువస్త్రాలతో పాటు తొలిబోనం సమర్పించారు. తెల్లవారుజామున అమ్మవారికి మహా హారతి, కుంకుమ, పుష్ప అర్చనలు నిర్వహించారు. సాకలు సమర్పించి విశేష నివేదన చేశారు. ఈ సందర్భంగా మంత్రి పొన్నం మాట్లాడుతూ.. బోనాల జాతరకు అన్ని ఏర్పాట్లు చేశామన్నారు. వివిధ జిల్లాల నుంచి వచ్చేవారికి హైదరాబాద్ ప్రజలు ఆతిథ్యం ఇచ్చి అమ్మవారి దర్శనం కలిగేలా చూడాలని తెలిపారు.