అక్రమార్కుల చేతిలో టీ.ఎస్.బి.పాస్ చట్టం..?

• పూర్తిగా విఫలమైన స్పెషల్ టాస్క్ ఫోర్స్.. • ప్రభుత్వ విజిలెన్స్, నిఘా విభాగాలు దృష్టి సారించలేని పరిస్థితి..

• జి.హెచ్.ఎం.సిలో ఓ అవినీతి తిమింగలం అడ్డదారిలో అక్రమ అనుమతుల జారీ..!

• అక్రమ నిర్మాణాలపై చర్యలు తీసుకునే ఉన్నతాధికారులు స్పెషల్ టాస్క్ ఫోర్స్ టీంగా ఏర్పాటు కాకపోవడం ఏమిటి..?

• ఇది పూర్తిగా వైఫల్యం అంటున్న మేధావి వర్గం..

• అభాసుపాలవుతున్న తెలంగాణ స్టేట్ బిల్డింగ్ పర్మిషన్ అప్రూవల్ అండ్ సెల్ప్ వెరిఫికేషన్ సిస్టమ్..!

టిఎస్ బీపాస్ చట్టంతో సామాన్యుల కలలు నెరవేతాయని అందరూ ఆశించారు.. కానీ అనుకున్నదొకటి.. జరుగుతున్నది ఇంకొకటి.. సామాన్యుల చేతిలో ఉండాల్సిన పటిష్టమైన చట్టం కొందరు అవినీతి అధికారుల చేతుల్లోకి వెళ్లడం దురదృష్టకరం.. చట్టాలు కొందరికే చుట్టాలుగా మారిపోయాయి.. నిర్మాణాత్మక విలువలను పాటించాల్సిన అధికారులు కాసుల కక్కుర్తితో సామాన్యుల జీవితాలతో చెడుగుడు ఆడుతున్నారు.. దీంతో ఏమి చేయాలో దిక్కు తోచని స్థితిలో సామాన్యుడు అల్లాడుతున్నాడు.. చివరికి ప్రాణాలు పోగొట్టుకునే భయంకర స్థితిలోకి జారిపోతున్నాడు.. ఈ ప్రమాదాన్ని, ప్రజలకు ప్రమోదంగా మార్చే నాయకుడు గానీ, అధికారి గానీ కనుచూపుమేరలో కనిపించడం లేదు.. ఈ పరిస్థితి ఇలాగే కొనసాగితే ఎదురయ్యే పరిస్థితులను తట్టుకోవడం ఎవరివల్లా కాదన్నది అక్షర సత్యం..