గురి తప్పలేదు..

• షూటింగ్లో కాంస్యాన్ని ముద్దాడిన స్వప్నిల్ • ఒలింపిక్స్లో భారత్కు మరో పతకం

• 'నీ విజయంతో భారతావని ఉప్పొంగిపోతోంది'

• షూటర్ స్వప్నిల్కు ప్రధాని మోడీ అభినందనలు

పారిస్ ఒలింపిక్స్ లో భారత్ కు మూడో పతకం లభించింది.

గురువారం (ఆగస్టు 01) జరిగిన పురుషుల 50 మీటర్ల రైఫిల్ 3వ రౌండ్లో స్వప్నిల్ కుసాలే కాంస్య పతకాన్ని గెలుచుకున్నాడు. 8 మందితో జరిగిన ఫైనల్ రౌండ్లో భారత షూటర్ మొత్తం 451.4 పాయింట్లు సాధించి మూడో స్థానాన్ని కైవసం చేసుకున్నాడు. తద్వారా ఈ ఒలింపిక్స్ లో భారత్కు మూడో కాంస్య పతకాన్ని సాధించిపెట్టాడు. చైనాకు చెందిన లియు యుకున్ 463.6 పాయింట్లతో బంగారు పతకాన్ని గెలుచుకోగా, ఉక్రెయిన్కు చెందిన సెరి కులిష్ 461.3 పాయింట్లతో రజత పతకాన్ని కైవసం చేసుకున్నాడు. ఈ ఈవెంట్ లో 7వ స్థానంతో ఫైనల్స్లోకి ప్రవేశించిన స్వప్నిల్ కుసాలే చివరి రౌండ్లో అద్భుత ప్రదర్శన చేశాడు.