బాబుతోనే బడుగులకు భవిత

 - జగన్ పాలనలో బాగుపడింది ఆ నలుగురు రెడ్లే - జీఎస్డీపీని మించి రాష్ట్రంలో అప్పులు  - వైసీపీ ప్రభుత్వంలో లబ్ధిపొందింది జగన్ కంపెనీలే 

- పన్నుల రూపంలో రక్తం తాగుతున్న సీఎం జగన్ 

- జయహో బీసీ వర్క్ షాప్ లో చంద్రబాబు నాయుడు

- జయహో బీసీ ప్రచార రథాలు ప్రారంభించిన టీడీపీ అధినేత

అమరావతి-ఆంధ్రనాడు, జనవరి 4:  "బీసీ నాయకత్వాన్ని తయారు చేసిన ఫ్యాక్టరీ, యూనివర్సిటీ టీడీపీ ఎమ్మెల్యేలు, ఎంపీలుగా దీర్ఘకాలిక నాయకత్వాన్ని టీడీపీ తయారు చేసింది. వెనకబడిన వర్గాలను పైకి తీసుకురావడమే నా లక్ష్యం. ఉన్నత స్థాయిలో ఉండే ప్రతి వందమందిలో యాభైమంది బీసీలే ఉండేలా చేసే బాధ్యత నాది” అని టీడీపీ జాతీయ అధ్యక్షులు నారా చంద్రబాబు నాయుడు పేర్కొన్నారు. టీడీపీ కేంద్ర కార్యాలయంలో నిర్వహించిన జయహెూ బీసీ కార్యక్రమంలో చంద్రబాబు ముఖ్యఅతిథిగా పాల్గొన్నారు. ఈ సందర్భంగా చంద్రబాబు నాయుడు మాట్లాడుతూ... పన్నుల రూపం లో జగన్ బలహీన వర్గాల రక్తం తాగు తున్నాడు.జీఎస్టీపీని మించి అప్పులు చేస్తున్నాడు.రూ.13 లక్షల కోట్ల అప్పులు చేశాడు. ఈ అప్పులు జగన్ తీరుస్తాడా.? ఈ అప్పులన్నీ మనమే కట్టాలి. జనాభాలో 50 శాతం బలహీన వర్గాలే ఉన్నాయి కాబట్టి రూ.6.5 లక్షల కోట్లు బీసీలే కట్టాలి. బీసీలకు న్యాయంచేయకపోవడమే కాకుండా చేసిన అప్పులో 50 శాతం బీసీల నెత్తిన పెట్టాడు. నాకు గుర్తింపు వచ్చింది వెనక బడిన వర్గాలతోనే. నన్ను నమ్మి, కష్టాల్లో అండగా నిలిచి స్ఫూర్తినిచ్చిన బీసీలను జీవితంలో మర్చిపోలేను.

జగన్ పాలనలో రెడ్లు కూడా బాగుపడలేదు.నలుగురు రెడ్లే బాగుపడ్డారు. పెద్దిరెడ్డి, విజయసాయిరెడ్డి, సజ్జల రెడ్డి, వైవీ సుబ్బారెడ్డి మాత్రమే బాగుపడ్డారు. వీరు బాగుపడితే రాష్ట్రంలోని రెడ్లంతా బాగు పడినట్లేనా.రైతులుగా ఉన్న రెడ్లు తీవ్రంగా నష్టపోయారు. రెడ్డి సామాజికవర్గంలోనూ వ్యాపారులు, కాంట్రాక్టులు నష్టపోయారు.

వైసీపీ ప్రభుత్వంలో లబ్ధిపొందింది జగన్ కంపెనీలే