மின் கட்டண உயர்வு: இறுதி உத்தரவுக்குத் தடை

மதுரை, ஆக. 24: தமிழ்நாடு மின்சார ஒழுங்கு முறை ஆணையத்தில் சட்ட உறுப்பினர் காலியிடத்தை நிரப்பும்வரை, மின்கட்டண உயர்வு தொடர்பாக இறுதி உத்தரவு பிறப்பிக்கத் தடை விதித்து சென்னை உயர்நீதிமன்ற மதுரைக் கிளை உத்தரவிட்டுள்ளது.

தமிழ்நாடு நூற்பாலைகள் சங்கம் மற்றும் இரு தனியார் நிறுவனங்கள் சார்பில் தாக்கல் செய்த மனு: தமிழ்நாடு மின்சார ஒழுங்குமுறை ஆணையத்தின் சட்ட விதிகளின்படி, ஆணையத்தில் தலைவர் மற்றும் 2 உறுப்பினர்கள் (தொழில்நுட்ப உறுப் பினர், சட்டத்துறை உறுப்பினர்) இருக்க வேண்டும். தற்போது தலைவர் மற்றும் தொழில்நுட்ப உறுப்பினர் மட்டுமே உள்ளனர். சட்ட உறுப்பினர் பணியிடம் காலியாக உள்ளது.