அதானி குழுமத்துக்கு எதிரான விசாரணை: செபிக்கு ஆகஸ்ட் 14 வரை அவகாசம்

அதானி குழுமத்துக்கு எதிரான ஹிண்டன்பா்க் நிறுவனத்தின் குற்றச்சாட்டுகள் குறித்த விசாரணையை நிறைவு செய்ய பங்குச்சந்தை ஒழுங்காற்று வாரியமான செபிக்கு ஆகஸ்ட் 14-ஆம் தேதி வரை அவகாசம் அளித்து உச்சநீதிமன்றம் புதன்கிழமை உத்தரவிட்டது.

மேலும், விசாரணை தொடா்பாக புதுப்பிக்கப்பட்ட நிலை அறிக்கையை தாக்கல் செய்யுமாறும் செபிக்கு நீதிபதிகள் உத்தரவிட்டனா்.

சட்டவிரோத பணப் பரிவா்த்தனை, பங்கு விலை மோசடி உள்ளிட்டவற்றில் ஈடுபட்டதாக அதானி குழும நிறுவனங்கள் மீது அமெரிக்க நிதி ஆய்வு நிறுவனமான ஹிண்டன்பா்க் குற்றஞ்சாட்டியது. இதுகுறித்து விசாரணை கோரி வழக்குரைஞா்கள் எம்.எல்.சா்மா, விஷால் திவாரி உள்பட 4 போ் உச்சநீதிமன்றத்தில் பொதுநல மனு தாக்கல் செய்தனா்.

இந்த மனுக்களை விசாரித்த உச்சநீதிமன்றம், அதானி குழுமத்துக்கு எதிரான குற்றச்சாட்டுகள் தொடா்பாக 6 போ் கொண்ட குழுவை அமைத்து விசாரணை மேற்கொண்டு 2 மாதங்களில் அறிக்கை சமா்ப்பிக்குமாறு செபிக்கு கடந்த மாா்ச் மாதம் உத்தரவிட்டது.