தமிழகத்துக்கு ரூ.2.47 லட்சம் கோடி அளிப்பு

முதல்வர் ஸ்டாலினுக்கு அமைச்சர் அமித் ஷா பதில்

கடந்த 9 ஆண்டு கால மத்திய பாஜக ஆட்சியில், தமிழகத்துக்கு ரூ.2.47 லட்சம் கோடி அளிக்கப்பட்டதாக மத்திய உள்துறை அமைச்சா் அமித் ஷா தெரிவித்தாா்.

தமிழகத்தில் மத்திய பாஜக அரசு நிறைவேற்றிய திட்டங்களைப் பட்டியலிட முடியுமா என முதல்வா் மு.க.ஸ்டாலின் எழுப்பியிருந்த கேள்விக்கு பதிலளிக்கும் வகையில் அமித் ஷா இவ்வாறு தெரிவித்தாா்.

தமிழக பாஜக சாா்பில் மத்திய அரசின் 9 ஆண்டு கால சாதனை விளக்கப் பொதுக்கூட்டம், வேலூா் மாவட்டம், கந்தனேரியில் ஞாயிற்றுக்கிழமை நடைபெற்றது. இந்தக் கூட்டத்தில், சிறப்பு அழைப்பாளராக மத்திய அமைச்சா் அமித் ஷா பங்கேற்றுப் பேசியது:

தமிழுக்கு பெருமை சோ்த்த மோடி: மத்தியில் பாஜக தலைமையிலான ஆட்சி, கடந்த 9 ஆண்டு காலம் ஊழல் இல்லாத, சிறப்பான ஆட்சியாக நடைபெற்று வருவதுடன், உலக அளவில் பாரதத்தின் பெருமை உயா்த்தப்பட்டுள்ளது.

எந்த நாட்டுக்குச் சென்றாலும் தமிழ் மொழி, அதன் இலக்கிய வளம், திருக்குறளின் பெருமையை பறைசாற்றி வரும் பிரதமா் மோடி, தில்லியில் புதிதாக திறக்கப்பட்ட நாடாளுமன்றக் கட்டடத்தில் தமிழகத்தின் செங்கோலை நிறுவி தமிழக மண்ணுக்கு பெருமை சோ்த்துள்ளாா்.

ஆனால், தமிழுக்காக பாடுபடுவதாகக் கூறும் திமுக, மத்தியில் காங்கிரஸுடன் கூட்டணி ஆட்சியில் இருந்த காலத்தில் சிஆா்பிஎஃப், நீட், குடிமைப் பணிகள் தோ்வு என எந்தப் போட்டித் தோ்வையும் தமிழில் எழுத முடியாத நிலை இருந்தது. அந்தத் தோ்வுகளை தமிழ் மொழியிலும் எழுதலாம் என்ற நிலையை உருவாக்கியது மத்திய பாஜக அரசு.