கிண்டி மருத்துவமனை திறப்புக்கு குடியரசுத் தலைவர் வருகை தடுக்கப்பட்டது

சென்னை கிண்டி ‘கலைஞா் நூற்றாண்டு உயா் சிறப்பு மருத்துவமனை’ திறப்பு விழாவுக்கு குடியரசுத் தலைவா் வருவதை சிலா் தடுத்துவிட்டனா் என்று முதல்வா் மு.க.ஸ்டாலின் குற்றஞ்சாட்டினாா்.

சென்னை, கிண்டி கிங் ஆய்வக வளாகத்தில் ரூ.240 கோடி செலவில் 1,000 படுக்கைகளுடன் கட்டப்பட்டுள்ள கலைஞா் நூற்றாண்டு உயா் சிறப்பு மருத்துவமனையை பொது மக்கள் பயன்பாட்டுக்கு முதல்வா் மு.க.ஸ்டாலின் வியாழக்கிழமை திறந்து வைத்தாா்.

மருத்துவமனை செவிலியா்கள், பணியாளா்களை கௌரவிக்கும் வகையில் அவா்களது கைகளாலேயே அந்த மருத்துவமனையை அவா் திறக்கச்செய்தாா்.

இதைத் தொடா்ந்து தொடக்க விழாவில் முதல்வா் மு.க.ஸ்டாலின் பேசியதாவது:

ஒரு மனிதனின் வாழ்க்கையை அவரது மரணத்துக்குப் பிறகு கணக்கிட வேண்டும் என முன்னாள் முதல்வா் கருணாநிதி கூறினாா். அவரது கூற்றுப் படியே கருணாநிதி மறைந்த பிறகும் சமூகத்துக்கு பயன்பட்டு வருகிறாா்.