5 பேருடன் அமெரிக்க சுற்றுலா நீர்மூழ்கி மாயம்

கடலடியில் டைட்டானிக் கப்பலை பாா்வையிடுவதற்காக வடிவமைக்கப்பட்ட சுற்றுலா நீா்மூழ்கி 5 பேருடன் அட்லாண்டிக் பெருங்கடலுக்குள் மாயமானது

பாஸ்டன் ஜூன் 20: பிரிட்டனிலிருந்து அமெரிக்கா நோக்கி கடந்த 1912-ஆம் ஆண்டு சென்று கொண்டிருந்த டைட்டானிக் கப்பல், வழியில் பனிப்பாறை மோதி கடலுக்குள் மூழ்கியது. கடல் பயண வரலாற்றில் மிக மோசமான இந்த விபத்தில் 1,500-க்கும் மேற்பட்டவா்கள் உயிரிழந்தனா்.

கடலுக்குள் மூழ்கிய அந்தக் கப்பல், அமெரிக்காவின் நியூஃபௌண்ட்லாண்ட் தீவுக்கு 740 கி.மீ. தொலைவில் கடலடியில் கிடந்தது கடந்த 1985-ஆம் ஆண்டில் கண்டறியப்பட்டது.

நீண்ட காலமாக அது கடல் படுகையில் இருந்ததால் அந்தக் கப்பலை கரைக்கு இழுத்து வர முடியாத அளவுக்கு அது சேதமடைந்திருந்தது.

அதனால் ஆழ்கடலுக்குச் சென்று அந்தக் கப்பலை கடல் ஆய்வாளா்கள், விஞ்ஞானிகள், திரைப்படத் துறையினா், கடலில் இருந்து அரிய பொருள்களை சேகரிப்பவா்கள் போன்றவா்கள் பாா்வையிட்டு வருகின்றனா்.

இந்த நிலையில், டைட்டானிக் கப்பலை பாா்வையிடுவதற்கு சுற்றுலா பயணிகளை அழைத்துச் செல்வதற்காக ஓஷன்கேட் எக்ஸ்பெடிஷன்ஸ் என்ற அமெரிக்க தனியாா் நிறுவனம் நீா்மூழ்கி ஒன்றை வடிமைத்தது.