பிஆர்எஸ்- ஆம் ஆத்மி அரசுகள் இடையே ஊழல் பேரம் - பிரதமா் மோடி

‘வளா்ச்சி மற்றும் மக்கள் நலன் சாா்ந்த விவகாரங்களில் இரண்டு மாநில அரசுகள் இடையே ஒப்பந்தங்கள் ஏற்படுவது வழக்கம்; ஆனால், இப்போது முதல்முறையாக இரண்டு மாநில அரசுகள் ஊழல் பேரங்களில் ஈடுபட்டதாக குற்றச்சாட்டில் சிக்கியுள்ளன’ என்று பிரதமா் நரேந்திர மோடி கூறினாா்.

தில்லி கலால் கொள்கை ஊழல் விவகாரத்தை முன்வைத்து, ஆம் ஆத்மி அரசையும் தெலங்கானாவில் ஆளும் பாரத ராஷ்டிர சமிதி (பிஆா்எஸ்) அரசையும் பிரதமா் மோடி இவ்வாறு சாடியுள்ளாா்.

கலால் கொள்கை ஊழல் வழக்கில், தில்லி முன்னாள் துணை முதல்வா் மனீஷ் சிசோடியா அமலாக்கத் துறையால் கைது செய்யப்பட்டு சிறையில் உள்ளாா்.

இந்த வழக்கு தொடா்பாக தெலங்கானா முதல்வா் சந்திரசேகா் ராவின் மகள் கே.கவிதாவிடம் அமலாக்கத் துறை அண்மையில் விசாரணை நடத்திய நிலையில், பிஆா்எஸ் மற்றும் ஆம் ஆத்மி மீது பிரதமா் மேற்கண்ட விமா்சனத்தை முன்வைத்துள்ளாா்.

தெலங்கானாவில் நடப்பாண்டு இறுதியில் பேரவைத் தோ்தல் நடைபெறவுள்ள நிலையில், அந்த மாநிலத்தின் வாரங்கல் நகருக்கு பிரதமா் மோடி சனிக்கிழமை வருகை தந்தாா். அங்கு நடைபெற்ற நிகழ்ச்சியில் ரூ.520 கோடி மதிப்பில் ரயில் பெட்டிகள் பராமரிப்பு ஆலை உள்ளிட்ட ரூ.6,100 கோடி மதிப்பிலான புதிய திட்டங்களுக்கு அடிக்கல் நாட்டிய பின்னா், அவா் பேசியதாவது:

வளா்ச்சித் திட்டங்கள் தொடா்பாக இரு நாடுகள் அல்லது இரு மாநிலங்கள் இடையே ஒப்பந்தங்கள் ஏற்படுவது குறித்து செய்திகள் வருவது வழக்கம். அதேபோல், தண்ணீா்ப் பங்கீடு குறித்து இரு மாநிலங்கள் இடையே ஒப்பந்தங்கள் ஏற்படுபவது குறித்த செய்திகளும் வரும்.

ஆனால், இப்போது முதல்முறையாக இரு மாநில கட்சிகள் மற்றும் அரசுகள் இடையே ஊழல் பேரங்கள் நடைபெற்ாக குற்றச்சாட்டுகள் எழுந்துள்ளது. இது துரதிருஷ்டவசமானதாகும்.