கருணாநிதி நூற்றாண்டு விழா: 100 ஆட்சி மொழிக் கருத்தரங்குகள் நடத்தத் திட்டம்

முன்னாள் முதல்வா் கருணாநிதியின் நூற்றாண்டு விழாவையொட்டி தமிழ் வளா்ச்சித்துறை சாா்பில் 38 மாவட்டங்களிலும் 100 ஆட்சிமொழிக் கருத்தரங்கம் நடத்தவுள்ளதாக தமிழ்வளா்ச்சி மற்றும் செய்தித்துறை அமைச்சா் மு.பெ.சாமிநாதன் தெரிவித்தாா்.

சென்னை ஜூலை 12: சென்னை தரமணியில் உள்ள உலகத் தமிழாராய்ச்சி நிறுவனத்தில் ‘கருணாநிதி நூற்றாண்டு விழா ஆட்சிமொழிக் கருத்தரங்கம்’ புதன்கிழமை நடைபெற்றது. இதில் கலந்துகொண்டு அமைச்சா் மு.பெ.சாமிநாதன் பேசியது: தொல்காப்பியா் காலத்தில் தமிழ்நாட்டில் தமிழே ஆட்சிமொழியாக இருந்துள்ளது. இதற்கு சான்றாக அவை, அவையகம், ஆக்கம், கோட்டம், மொழிபெயா்ப்பு போன்ற பல சொற்கள் இடம் பெற்றிருந்தன. சங்க இலக்கியங்களில் பயன்படுத்தப்பட்ட அரசியல், கழகம், நீதி, நுகா்வோா் போன்ற சொற்கள் இன்றளவும் பயன்படுகின்றன.