அமலாக்கத் துறை விசாரணையில் பொன்முடி

9 இடங்களில் சோதனை; ஆவணங்கள் சிக்கின

சென்னை/விழுப்புரம், ஜூலை 17: தமிழக உயர் கல்வித் துறை அமைச்சர் க.பொன்முடியிடம் அமலாக்கத் துறையினர் விசாரணை மேற் கொண்டுள்ளனர்.

முன்னதாக, அவரது வீடு உள்ளிட்ட 9 இடங்களில் அமலாக்கத் துறையினர் திங்கள்கிழமை நடத்திய சோதனையில் முக்கிய ஆவணங்கள் சிக்கியதாகக் கூறப்படுகிறது.

அமைச்சா் பொன்முடி கடந்த 2006-2011-ஆம் ஆண்டு வரையிலான திமுக ஆட்சிக் காலத்திலும் உயா் கல்வித் துறை அமைச்சராக இருந்தாா். அப்போது அவா் கனிம வளத் துறை அமைச்சா் பொறுப்பையும் கூடுதலாக கவனித்து வந்தாா்.

2007-ஆம் ஆண்டு விழுப்புரம் மாவட்டம், வானூா் அருகே பூத்துறையில் 87 ஹெக்டோ் செம்மண் குவாரி ஏலம் விடப்பட்டது. இந்த மண் குவாரிகளை நடத்துவதற்கு பொன்முடி, தன் மகன் பொன்.கெளதம சிகாமணி (தற்போது கள்ளக்குறிச்சி எம்.பி.), உறவினா் ஜெயச்சந்திரன் ஆகியோருக்கு உரிமம் வழங்கியதாக குற்றம்சாட்டப்பட்டது. மேலும், கனிம வளத் துறையின் பல்வேறு விதிமுறைகளை மீறி அந்த குவாரி செயல்பட்டதாகவும் புகாா் கூறப்பட்டது.

ரூ.28.37 கோடி இழப்பு: இது தொடா்பாக அந்தப் பகுதி மக்கள் தொடா்ந்து புகாா் அளித்து வந்தனா். இந்தப் புகாா்களின் அடிப்படையில் கடந்த 2011-ஆம் ஆண்டு வருவாய்த் துறை கோட்டாட்சியா் பிரியா தலைமையிலான குழுவினா் ஆய்வு செய்ததில் செம்மண் குவாரி விதிமுறைகளை மீறி நடத்தப்பட்டிருப்பது உறுதி செய்யப்பட்டது. முக்கியமாக ரூ.28.37 கோடி மதிப்புள்ள 2.46 யூனிட் செம்மண் விதிமுறைகளை அள்ளப்பட்டிருப்பதும், அதன்மூலம் அரசுக்கு பெரும் இழப்பு ஏற்பட்டிருப்பதும் கண்டறியப்பட்டது.