அதிமுக தலைமையில்தான் தமிழகத்தில் கூட்டணி: எடப்பாடி பழனிசாமி

தமிழகத்தில் அதிமுக தலைமையில்தான் தேசிய ஜனநாயக கூட்டணி செயல்படும் என்று அக்கட்சியின் பொதுச் செயலர் எடப்பாடி கே. பழனிசாமி தெரிவித்தார்.

சென்னை ஜூலை 19:  மத்தியில் ஆளும் தே.ஜ. கூட்டணிக் கட்சிகளின் ஆலோசனைக் கூட்டம் தில்லியில் கடந்த செவ்வாய்க்கிழமை நடைபெற்றது. இதில் அதிமுக பொதுச் செயலர் எடப்பாடி கே.பழனிசாமி பங்கேற்றார்.

இதைத் தொடர்ந்து, தில்லியில் உள்ள அதிமுக கட்சி அலுவலகத்தில் செய்தியாளர்களை அவர் புதன்கிழமை சந்தித்தார். அப்போது அவர் கூறியதாவது:

பிரதமர் நரேந்திர மோடியின் தலைமையின் கீழ் கடந்த 9 ஆண்டு கால தேசிய ஜனநாயக கூட்டணி ஆட்சியில், இந்தியா வளர்ச்சி அடைந்துள்ளது. உலக அளவில் நமது நாட்டின் பெருமையை பிரதமர் மோடி உயர்த்தியிருக்கிறார்.