நிலவுக்கு நெருக்கமான சுற்றுப் பாதைக்குள் சந்திரயான்-3

நிலவுக்கு நெருக்கமான சுற்றுப் பாதைக்குள் சந்திரயான் -3 விண்கலம் வெற்றிகரமாக திங்கள்கிழமை (ஆக.14) செலுத்தப்பட்டது. அடுத்தகட்டமாக வரும் 16-ஆம் தேதி நிலவுக்கும், விண்கலத்துக்குமான தொலைவு 100 கிலோ மீட்டராகக் குறைக்கப்படும் என்று இஸ்ரோ விஞ்ஞானிகள் தெரிவித்துள்ளனா்.

நிலவின் தென் துருவத்துக்கு அருகே தரையிறங்கி ஆய்வு செய்வதற்காக சந்திரயான்-3 விண்கலத்தை சுமாா் ரூ.615 கோடியில் இந்திய விண்வெளி ஆராய்ச்சி நிறுவனம் (இஸ்ரோ) வடிவமைத்தது. இந்த விண்கலம் எல்விஎம்-3 ராக்கெட் மூலம் ஸ்ரீஹரிகோட்டாவில் இருந்து கடந்த ஜூலை 14-ஆம் தேதி விண்ணில் செலுத்தப்பட்டது.

அதன் பின்னா் புவி வட்டப் பாதையில் வலம் வந்த விண்கலம், கடந்த 1-ஆம் தேதி புவியீா்ப்பு விசையில் இருந்து விலக்கப்பட்டு நிலவை நோக்கிய பாதைக்கு மாற்றப்பட்டது.