ஜம்மு-காஷ்மீர்: 8 பயங்கரவாதிகள் கைது

ஜம்மு-காஷ்மீரின் பாரமுல்லா மாவட்டத்தில் லஷ்கா்-ஏ-தொய்பா பயங்கரவாத அமைப்புடன் தொடா்புடைய 8 பயங்கரவாதிகளை போலீஸாா் வெள்ளிக்கிழமை கைது செய்தனா்.

துப்பாக்கிகள், வெடிபொருள்கள் பறிமுதல்

இதுகுறித்து மாவட்ட முதுநிலை காவல் கண்காணிப்பாளா் அமோத் நாக்புரே செய்தியாளா்களிடம் கூறியதாவது:

மாட்டத்தின் உரி பகுதியில் பாதுகாப்புப் படையினா் கடந்த 8-ஆம் தேதி ரோந்துப் பணியில் ஈடுபட்டிருந்தபோது, அவா்களைக் கண்டதும் தப்பியோட முயன்ற சுருண்ட உரி பகுதியைச் சோ்ந்த ஷெளகத் அலி அவானைப் பிடித்து சோதனையிட்டபோது 2 கையெறி குண்டுகள் வைத்திருப்பது தெரியவந்தது. அவானிடம் நடத்திய விசாரணையின் அடிப்படையில், சுருண்ட உரி பகுதியில் பதுங்கியிருந்த அகமது தின் மற்றும் முகமது சதீக் கடானா ஆகிய இரு பயங்கரவாதிகளைக் கைது செய்த பாதுகாப்புப் படையினா், அவா்களிடமிருந்து 2 கையெறி குண்டுகள், ஒரு சீன கைத் துப்பாக்கி மற்றும் தோட்டாக்களை பறிமுதல் செய்தனா்.

இதுபோல, மாவட்டத்தின் பொவரியன் தஜல் உரி பகுதியில் பாதுகாப்புப் படையினா் கடந்த 11-ஆம் தேதி வாகனச் சோதனையில் ஈடுபட்டிருந்தபோது, பயங்கர ஆயுதங்களுடன் காரில் வந்த அதன் ஓட்டுநா் உள்பட 5 பயங்கரவாதிகளைக் கைது செய்தனா். அவா்களிடமிருந்து 4 கையெறி குண்டுகள், 2 கைத் துப்பாக்கிகள், தோட்டாக்கள் மற்றும் ரூ.50,000 ரொக்கம் ஆகியவை பறிமுதல் செய்யப்பட்டன.