பெண் சக்திக்கு எடுத்துக்காட்டு சந்திரயான்-3

பெண்கள் சக்திக்கு சிறந்த உதாரணமாக ‘சந்திரயான்-3’ திட்டம் திகழ்வதாக ‘மனதின் குரல்’ வானொலி நிகழ்ச்சியில் பிரதமா் நரேந்திர மோடி தெரிவித்தாா்.

மாதந்தோறும் கடைசி ஞாயிற்றுக்கிழமையில் ‘மனதின் குரல்’ வானொலி நிகழ்ச்சி வாயிலாக நாட்டு மக்களிடம் பிரதமா் மோடி உரையாற்றி வருகிறாா். அதன்படி, ஞாயிற்றுக்கிழமை ஒலிபரப்பான ‘மனதின் குரல்’ நிகழ்ச்சியில் அவா் கூறியதாவது:

நவீன இந்தியாவின் புதிய அடையாளமாக ‘சந்திரயான்-3’ மாறியுள்ளது. எத்தகைய கடினமான சூழலையும் எதிா்கொண்டு, வெற்றி அடைவதற்கான ஊக்கத்தை அத்திட்டம் வழங்குகிறது. பெண்கள் சக்தி ஒன்றிணைந்தால், அடைய முடியாத இலக்கையும் எட்டிவிட முடியும். பெண்கள் சக்திக்கு சிறந்த உதாரணமாக ‘சந்திரயான்-3’ திட்டம் திகழ்கிறது.

பல பெண் விஞ்ஞானிகளும் பொறியாளா்களும் அத்திட்டத்தின் வெற்றிக்கு நேரடியாகப் பங்காற்றியுள்ளனா். திட்ட துணை இயக்குநா், திட்ட மேலாளா் உள்ளிட்ட பல்வேறு பொறுப்புகளைப் பெண்கள் வகித்தனா். எல்லையற்ாக அறியப்படும் விண்வெளிக்கும் இந்திய பெண்கள் தற்போது சவால் விடுத்து வருகின்றனா். பெண்கள் ஊக்கத்துடன் பணியாற்றினால், வளா்ச்சியடைந்த நாடாக இந்தியா மாறுவதை எவரால் தடுக்க முடியும்?

நிலவில் உதித்த ‘சூரியன்’: சந்திரயான்-3 நிலவை அடைந்து 3 நாள்கள் ஆகிவிட்டன. அத்திட்டத்தின் மகத்தான வெற்றி குறித்து எவ்வளவு பேசினாலும் போதாது. ‘மனிதா்களின் உறுதிப்பாடு’ என்ற சூரியன், நிலவிலும் உதயமாகும் என்பதை சந்திரயான்-3 உணா்த்தியுள்ளது. அத்திட்டத்தால் மக்களின் கனவுகளும் தற்போது உயா்ந்துள்ளன.