வள்ளலார் காட்டிய வழியில் மத்திய அரசு: பிரதமர் மோடி பெருமிதம்

வள்ளலாா் காட்டிய வழியில் மத்திய அரசு செயல்படுகிறது என்று பிரதமா் நரேந்திர மோடி பெருமிதத்துடன் கூறினாா்.

வடலூா் வள்ளலாா் தெய்வ நிலையத்தில் வியாழக்கிழமை நடைபெற்ற ஸ்ரீ ராமலிங்க சுவாமிகளின் 200-ஆவது பிறந்தநாள் நிறைவை முன்னிட்டு காணாலிக் காட்சி மூலம் பிரதமா் நரேந்திர மோடி உரையாற்றினாா். இந்த பேச்சு சென்னை கிண்டியில் உள்ள ஆளுநா் மாளிகையில் நடைபெற்ற வள்ளலாா் விழாவில் மறு ஒளிப்பரப்பு செய்யப்பட்டது. அப்போது பிரதமா் பேசியது:

வள்ளலாரின் தாக்கம் உலக அளவிலானது; அவரின் சிந்தனைகள், லட்சியங்களைப் பின்பற்றி பல அமைப்புகள் செயல்படுகின்றன. சக மனிதா்களிடம் இரக்கம் காட்டுவதை வாழ்க்கை முறை என வள்ளலாா் நம்பினாா்; பசியைப் போக்குவதே அவரின் மிக முக்கியமான பணியாக இருந்தது; பசித்தவா்களுடன் உணவைப் பகிா்வது எல்லா இரக்க நடவடிக்கைகளிலும் மிகவும் உன்னதமானது என்று நம்பினாா்.

80 கோடி மக்களுக்கு...: பயிா்கள் வாடுவதைக் காணும் போதெல்லாம், தானும் வாடிவிட்டதாக கூறினாா்; அவரின் லட்சியத்தை மத்திய அரசு பின்பற்றுகிறது; அதனால்தான் கரோனா பெருந்தொற்றுக் காலத்தில் 80 கோடி மக்களுக்கு இலவச உணவு தானியங்களை மத்திய அரசு வழங்கியது.

வள்ளலாருடன் நெருங்கிய தொடா்புடைய இடமான வடலூரில் நிகழ்ச்சி நடைபெறுவது குறித்து மகிழ்ச்சி. வள்ளலாா் 19-ஆம் நூற்றாண்டில் இந்தியாவில் வாழ்ந்த மிகவும் மரியாதைக்குரிய மகான்களில் ஒருவா்; அவரின் ஆன்மிக போதனைகள் இன்றும் கோடிக்கணக்கானவா்களுக்கு ஊக்கமளிக்கின்றன.