யார் இந்த ஹமாஸ்?

இஸ்ரேல் மீது திட்டமிட்ட பலமுனைத் தாக்குதல் நடத்தி அந்த நாட்டை மட்டுமன்றி உலகையே அதிரவைத்திருக்கிறது ஹமாஸ் அமைப்பு.

குறைந்த நேரத்தில் 5,000 ராக்கெட்டுகளை இஸ்ரேல் மீது ஏவியது, நிலம், கடல், வான்வழியாக இஸ்ரேலுக்குள் ஊடுருவியது என முன்னெப்போதும் இல்லாத வகையில் அதிரடித் தாக்குதலில் ஈடுபட்டுள்ளது ஹமாஸ்.

பாலஸ்தீனத்தில் உள்ள பல்வேறு குழுக்களில் ஹமாஸும் ஒன்று என்றாலும், பிற அமைப்புகளைவிட வலிமை வாய்ந்ததாக உள்ளது இந்த அமைப்பு. இஸ்ரேலை அழிப்பது என்கிற குறிக்கோளுடன் செயல்பட்டு வரும் ஹமாஸ், 2007-இல் காஸாவில் அதிகாரத்தைக் கைப்பற்றியதிலிருந்து இஸ்ரேலுக்கு எதிராக பலமுறை போரில் ஈடுபட்டுள்ளது.