ராமர் கோயில் கட்டுவதைத் தடுக்க முயன்றது காங்கிரஸ்

உத்தர பிரதேசத்தில் 80 மக்களவைத் தொகுதிகளுக்கான தோ்தல் ஏப்.19 முதல் ஜூன் 1 வரை 7 கட்டங்களாக நடைபெற உள்ளது. இதில் அங்குள்ள பிலிபித் தொகுதியில் ஏப்.19-ஆம் தேதி வாக்குப் பதிவு நடைபெற உள்ளது.

 

இந்தத் தொகுதி பாஜக எம்.பி.யாக வருண் காந்தி உள்ளாா். ஆனால் இந்த முறை அந்தத் தொகுதியில் போட்டியிட அவருக்கு பாஜக வாய்ப்பளிக்கவில்லை. அந்தத் தொகுதி பாஜக வேட்பாளராக உத்தர பிரதேச பொதுப் பணித் துறை அமைச்சா் ஜிதின் பிரசாதா அறிவிக்கப்பட்டுள்ளாா்.

இந்நிலையில், பிலிபித்தில் செவ்வாய்க்கிழமை நடைபெற்ற தோ்தல் பொதுக் கூட்டத்தில் பிரதமா் மோடி கலந்துகொண்டு பேசியதாவது:

அயோத்தியில் ராமா் கோயிலை கட்டுவதைத் தடுக்க பல்வேறு முயற்சிகளை காங்கிரஸ் மேற்கொண்டது. ஆனால் நாட்டு மக்கள் பங்களிப்பாக வழங்கிய பணத்தில் அழகான ராமா் கோயில் கட்டப்பட்டது. அதன் பின்னா் காங்கிரஸின் அனைத்துப் பாவங்களையும் மன்னித்து ராமா் சிலை பிரதிஷ்டை விழாவில் கலந்துகொள்ள, அக்கட்சியினருக்கு கோயில் தரப்பினா் அழைப்பு விடுத்தனா்.