மழை பெய்தால்தான் தமிழகத்துக்கு காவிரி நீர்

கர்நாடகம் திட்டவட்டம்

காவிரி ஆணையம், உச்ச நீதிமன்றம் ஆகியவற்றின் உத்தரவின்படி வரும் ஜூன் மாதம் வழங்கப்படவேண்டியது உள்பட 16.6 டிஎம்சி நீரை பிலிகுண்டுலுவில் கர்நாடகம் வழங்க வேண்டும் என காவிரி நீர் ஒழுங்காற்றுக் குழு (சி.ட பிள்யு.ஆர்.சி.) கூட்டத்தில் தமிழகம் வலியுறுத்தியது. ஆனால், பருவமழை பெய்தால்தான் தண்ணீர் வழங்கப்படும் என கர்நாடகம் தெரிவித்தது.

காவிரி நீர் ஒழங்காற்றுக் குழுவின் 96-ஆவது கூட்டம் அதன் தலைவர் வினீத்குப்தா தலைமையில் வியாழக்கிழமை காணொலி வழியாக நடைபெற்றது. இந்தக் கூட்டத்தில் கடந்த 2022-23 நீர் ஆண்டில் காவிரிப் படுகையின் விளைச்சல் குறித்த மதிப்பீடு, காவிரிப் படுகையின் நீரியல்சார் வானிலை நிலைமை குறித்த ஆய்வுகளின் தகவல்கள், பிலிகுண்டுலு மற்றும் காரைக்கால் பகுதியில் நீரோட்டம் குறித்த விவரங்கள் முன்வைக்கப்பட்டு ஆலோசிக்கப்பட் டன.

கூட்டத்தில் கர்நாடகம், கேரளம் போன்ற மாநிலங்கள் முன்வைத்த வாதங்களுக்குப் பிறகு தமிழகம் தரப்பில் முழுமையான விவரங்கள் முன்வைக்கப்பட்டு வாதிடப்பட்டன.

உச்சநீதிமன்றத்தின் ஆணைப்படி தமிழகத்துக்கு பிலிகுண்டுலுவில் கர்நாடகம் வழங்க வேண்டிய மொத்த தண்ணீர் அளவு 177.25 டிஎம்சி. இதன்படி பிலுகுண்டுலுவில் கடந்த 2023, ஜூன் 1 முதல் நிகழ் மே 13-ஆம் தேதி வரை விடுவிக்க வேண்டிய நீரின் அளவு 175.7 டிஎம்சி.