பாசி நிதி நிறுவன மோசடி வழக்கிலிருந்து ஐபிஎஸ் அதிகாரி பிரமோத் குமார் விடுவிப்பு

பாசி நிதி நிறுவன மோசடி வழக்கில் குற்றம் சாட்டப்பட்டவா்களை விடுவிப்பதாகக் கூறி பணம் பறித்ததாக பதிவு செய்யப்பட்ட வழக்கிலிருந்து ஐபிஎஸ் அதிகாரி பிரமோத் குமாரை விடுவித்து சென்னை உயா்நீதிமன்றம் உத்தரவிட்டது.

திருப்பூரை தலைமையிடமாகக் கொண்டு 2009-ஆம் ஆண்டில் ‘பாசி போரக்ஸ் டிரேடிங்’ என்ற நிதி நிறுவனம் செயல்பட்டு வந்தது. முதலீட்டுக்கு அதிக வட்டி அளிப்பதாகக் கூறி இந்த நிறுவனம் தமிழகத்தின் பல்வேறு பகுதிகளைச் சோ்ந்த மக்களிடம் பணம் வசூல் செய்தது. ஆனால், முதலீடு செய்தவா்களுக்கு வாக்குறுதி அளித்தபடி பணம் திரும்ப வழங்கப்படவில்லை. இதையடுத்து, முதலீட்டாளா்கள் அளித்த புகாா் அடிப்படையில்  58,571 பேரிடமிருந்து 930 கோடி ரூபாய் முதலீடுகளைப் பெற்று மோசடி செய்த பாசி நிறுவனத்துக்கு எதிராக  திருப்பூா் மாநகர மத்திய குற்றப்பிரிவு போலீஸாா் வழக்குப்பதிவு செய்தனா்.