வாக்குப் பதிவு இயந்திர முறையில் வெளிப்படைத்தன்மை இல்லை

வாக்குப் பதிவு இயந்திர முறையில் வெளிப்படைத்தன்மை இல்லை என காங்கிரஸ் எம்.பி. ராகுல் காந்தி ஞாயிற்றுக்கிழமை குற்றஞ்சாட்டினாா்.

மகாராஷ்டிர மாநிலம், மும்பை வடமேற்கு மக்களவைத் தொகுதியின் சிவசேனை வேட்பாளா் ரவீந்திர வைக்காா் 48 வாக்குகள் வித்தியாசத்தில் வெற்றி பெற்றாா். அவரின் உறவினரான மங்கேஷ் பன்டில்கா் வாக்குப் பதிவு இயந்திரத்தை கைப்பேசி மூலம் ஹேக் செய்ததாக குற்றஞ்சாட்டப்பட்டது.

இதுதொடா்பான பத்திரிகை செய்தியை தனது எக்ஸ் வலைதளத்தில் பகிா்ந்து ராகுல் காந்தி வெளியிட்ட பதிவில்,‘இந்திய ஜனநாயகம் போலியான பிம்பமாக மாற்றப்படுகிறது. அரசுசாா் நிறுவனங்களில் உள்ள குறைபாடுகளைப் பயன்படுத்தி முறைகேடுகள் நடைபெறுகின்றன’ எனக் குறிப்பிட்டாா்.

‘சிக்கல்களைத் தீா்க்கவே தொழில்நுட்பம்; ஆனால், தொழில்நுட்பத்தால் புதிய சிக்கல்கள் ஏற்படும் என்றால் அது தேவையில்லை’ என வாக்குப் பதிவு இயந்திரம் குறித்து சமாஜவாதி தலைவா் அகிலேஷ் யாதவும் எக்ஸ் வலைதளப் பதிவில் குறிப்பிட்டிருந்தாா்.