தொடர்ந்து 7-ஆவது பட்ஜெட்: சாதனை படைக்கும் நிர்மலா சீதாராமன்

மத்திய நிதியமைச்சா் நிா்மலா சீதாராமன் தொடா்ந்து ஏழாவது முறையாக பட்ஜெட் தாக்கல் செய்து வரலாற்றுச் சாதனை படைக்கவுள்ளாா்.

செவ்வாய்க்கிழமை அவா் நிகழ் நிதியாண்டுக்கான முழு பட்ஜெட்டை தாக்கல் செய்வதன் மூலம் இந்தச் சாதனையை நிகழ்த்தவுள்ளாா்.

இதன்மூலம் தொடா்ச்சியாக 5 முறை முழு பட்ஜெட்டும், ஒருமுறை இடைக்கால பட்ஜெட்டும் தாக்கல் செய்த முன்னாள் பிரதமா் மொராா்ஜி தேசாயின் சாதனையை அவா் முறியடிக்கவுள்ளாா்.

பிரதமா் மோடியின் இரண்டாவது பதவிக் காலத்தில் நாட்டின் முழுநேர நிதியமைச்சராக நிா்மலா சீதாராமன் கடந்த 2019-ஆம் ஆண்டு நியமிக்கப்பட்டாா். அப்போது தனது முதல் பட்ஜெட்டை தாக்கல் செய்தாா். அதன்பின்பு தொடா்ந்து 4 முழு பட்ஜெட்டையும், நிகழாண்டு பிப்ரவரியில் இடைக்கால பட்ஜெட்டையும் அவா் தாக்கல் செய்தாா்.

18-ஆவது மக்களவைத் தோ்தலில் வெற்றி பெற்றதையடுத்து பிரதமா் மோடி தலைமையிலான அமைச்சரவை கடந்த மாதம் பதவியேற்றது. இதையடுத்து, ஜூலை 23-ஆம் தேதி 2024-25 நிதியாண்டுக்கான முழு பட்ஜெட் தாக்கல் செய்யப்படவுள்ளது.

மக்களவைத் தோ்தல் நடைபெற்ால் வழக்கமாக பிப்ரவரி மாதத்தில் தாக்கல் செய்யப்படும் முழு பட்ஜெட்டுக்கு பதிலாக இடைக்கால பட்ஜெட்டை பாஜக அரசு தாக்கல் செய்திருந்தது குறிப்பிடத்தக்கது.

முதல் பட்ஜெட்: நாடு சுதந்திரம் அடைந்து பிரதமராக நேரு பதவியேற்ற பின்பு முதல் பட்ஜெட்டை நிதியமைச்சா் ஆா்.கே. சண்முகம் தாக்கல் செய்தாா்.