உயிரிழந்த மீனவரின் உடலைக் கொண்டுவர நடவடிக்கை தேவை

இலங்கைக் கடற்படையின் ரோந்துப் படகு மோதியதில் உயிரிழந்த தமிழக மீனவரின் உடலைக் கொண்டு வர நடவடிக்கை எடுக்க வேண்டும் என்று முதல்வர் மு.க. ஸ்டாலின் வலியுறுத்தியுள்ளார்.

இது தொடர்பாக வெளியுறவுத் துறை அமைச்சர் எஸ். ஜெய்சங்கருக்கு அவர் வியாழக்கிழமை எழுதியுள்ள கடிதம்:

தமிழகத்தைச் சேர்ந்த மீன்பிடிப் படகின் மீது இலங்கைக் கடற்படையினரின் ரோந்துப் படகு மோதிய துயர சம்பவம் ஆழ்ந்த வேதனையையும் கவலையையும் அளிக்கிறது. இந்த சம்பவத்தில் ஒரு மீனவர் உயிரிழந்துள்ளார்; 2 பேர் காயமடைந்துள்ளனர். ஒரு மீனவரைக் காணவில்லை.