ஆடி அமாவாசை: ராமேசுவரம், கன்னியாகுமரியில் பல லட்சம் பக்தர்கள் புனித நீராடல்

ஆடி அமாவாசையை முன்னிட்டு, ராமேசுவரத்தில் ஒரு லட்சத்துக்கும் மேற்பட்ட பக்தர்கள் அக்னி தீர்த்தக் கடலில் ஞாயிற்றுக்கிழமை புனித நீராடினர்.

ராமநாதபுரம் மாவட்டம், ராமேசுவரம் ராமநாதசுவாமி கோயில் தீர்த்த மூர்த்தி தலமாக விளங்குகிறது. இங்கு அமாவாசை நாள்களில் அதிகளவில் பக்தர்கள் வருகை தந்து தங்களது முன்னோர்களுக்கு தா்ப்பணம் கொடுத்து வழிபாடு நடத்துவது வழக்கம்.

இந்த நிலையில், ஆடி அமாவாசையையொட்டி, தமிழகத்தின் பல்வேறு மாவட்டங்களில் இருந்து ஒரு லட்சத்துக்கும் மேற்பட்ட பக்தர்கள் ஞாயிற்றுக்கிழமை ராமேசுவரத்தில் குவிந்தனர். அவர்கள் அக்னித் தீர்த்தக் கடலில் புனித நீராடி, தங்களது முன்னோர்களுக்கு தா்ப்பணம் கொடுத்து வழிபட்டனர்.

பின்னர், ராமநாதசுவாமி கோயிலில் உள்ள 22 தீர்த்தக் கிணறுகளில் நீண்ட வரிசையில் நின்று நீராடி சுவாமி, அம்மனை தரிசனம் செய்தனர்.