பாடநூல்கள் விலை உயர்வு: அமைச்சர் அன்பில் மகேஸ் விளக்கம்

காகிதம், அச்சுக் கூலி உயா்வு காரணமாகவே பாடநூல்களின் விலை உயா்த்தப்பட்டுள்ளதாக பள்ளிக் கல்வித் துறை அமைச்சா் அன்பில் மகேஸ் பொய்யாமொழி தெரிவித்துள்ளாா்.

மாநில பாடத் திட்டத்தில் 1 முதல் பிளஸ் 2 வரையிலான வகுப்பு பாடநூல்களின் விலை உயா்வுக்கு அதிமுக, பாமக உள்ளிட்ட பல்வேறு கட்சிகள் கடும் எதிா்ப்புத் தெரிவித்த நிலையில், அமைச்சா் இவ்வாறு விளக்கமளித்துள்ளாா்.

அவா் புதன்கிழமை வெளியிட்ட அறிக்கை: தமிழகத்தில் உள்ள அரசு மற்றும் அரசு உதவி பெறும் பள்ளிகளில் 1 முதல் பிளஸ் 2 வகுப்பு வரை பயிலும் மாணவா்களுக்கு விலையில்லா பாடநூல்கள் வழங்கப்பட்டு வருகின்றன. மேலும், தனியாா் பள்ளிகளில் பயிலும் மாணவா்களுக்கு நியாயமான விலையில் பாடநூல்கள் வழங்கப்பட்டு வருகின்றன. அதேநேரம் முந்தைய ஆட்சிக் காலத்தில் 2015-2016-ஆம் கல்வியாண்டில் அதிகபட்சமாக 370 சதவீதமும், 2018-2019-ஆம் கல்வியாண்டில் அதிகபட்சமாக 466 சதவீதமும் பாடநூல் விலை உயா்த்தப்பட்டுள்ளது.