உக்ரைன், மேற்காசிய போர்கள்: அமைதிக்கு இந்தியா ஆதரவு

பிரதமர் மோடி உறுதி

உக்ரைன் மற்றும் மேற்காசியாவில் நடந்துவரும் போர்கள் ஆழ்ந்த கவலைக்குரியவை; இந்த பிரச்னைகளுக்கு பேச்சுவார்த்தை மூலம் தீர்வுகண்டு, அமைதி மற்றும் ஸ்திரத்தன்மையை விரைந்து மீட்டெடுக்க தேவையான அனைத்து ஆதரவையும் இந்தியா அளிக்கும் என்று பிரதமர் நரேந்திர மோடி வியாழக்கிழமை கூறினார்.

போலந்து பிரதமர் டொனால்டுடஸ்க் உடனான பேச்சுவார்த்தைக் குப்பின்னர் செய்தியாளர்களிடம் பேசுகையில் அவர் இவ்வாறு தெரிவித்தார்.

இரண்டுநாள் பயணமாக போலந்துக்கு புதன்கிழமை வந்த பிரதமர் மோடிக்கு தலைநகர் வார்சாவில் வியாழக்கிழமை சிவப்புக் கம்பள வரவேற்பு அளிக்கப்பட்டது. பின்னர், போலந்து பிரதமர் டொனால்டு டஸ்கை சந்தித்து, இருதரப்பு நல்லுறவை வலுப்படுத்துவது குறித்து பிரதமர் மோடி பேச்சுவார்த்தை நடத்தினார்.