வங்கதேசம்: முன்னாள் அமைச்சர் கைது

வங்கதேசத்தின் முன்னாள் ஜவுளி மற்றும் சணல் துறை அமைச்சர் குலாம் தஸ்தகீர் காசி (76) சனிக்கிழமை இரவு காவல் துறையினரால் கைது செய்யப்பட்டார்.

வங்கதேச சுதந்திரப் போராட்டத்தில் பங்கேற்ற தியாகிகளின் வாரிசுகளுக்கு அரசுப் பணிகளில் 30 சதவீத இடஒதுக்கீடு வழங்க எதிர்ப்பு தெரிவித்து, அந்நாட்டில் அண்மையில் போராட்டம் நடத்தப்பட்டது.

இந்தப் போராட்டத்தில் பங்கேற்றவர்கள் பெருமளவில் கைது செய்யப்பட்டு அவர்கள் மீது தாக்குதல் நடத்தப்பட்டதாகவும், பலர் மாயமாக்கப்பட்டு கொல்லப்பட்டதாகவும் குற்றஞ்சாட்டப்படுகிறது.

இதைக் கண்டித்து பிரதமராக பதவி வகித்த ஷேக் ஹசீனா மற்றும் அவரின் அரசுக்கு எதிராக மாணவர்கள் தீவிர போராட்டத்தில் ஈடுபட்டனர். நாட்டின் பல்வேறு பகுதிகளில் நடைபெற்ற இந்தப் போராட்டத்தில் வன்முறை மூண்டது.