புதிய அமைச்சர்கள் பதவியேற்பு

செந்தில் பாலாஜி- மின்சாரம், கோவி.செழியன்- உயர் கல்வி

தமிழகத்தில் புதிதாக நியமிக்கப்பட்ட அமைச்சர்கள் வி.செந்தில் பாலாஜி, கோவி.செழியன், சா.மு.நாசர், ஆர்.ராஜேந்திரன் ஆகியோர் ஞாயிற்றுக்கிழமை பதவி யேற்றுக்கொண்டனர்.

நான்கு பேருக்கும் ஆளுநர் ஆர். என்.ரவி பதவிப் பிரமாணமும், ரகசிய காப்பு உறுதிமொழியும் செய்து வைத்தார்.

செந்தில் பாலாஜிக்கு மின்சாரத் துறையும், கோவி.செழியனுக்கு உயர் கல்வித் துறையும், ஆ.ராஜேந்திரனுக்கு சுற்றுலாத் துறையும், சா.மு. நாசருக்கு சிறுபான்மையினர் நலத்துறையும் ஒதுக்கப்பட்டுள்ளன. செந்தில் பாலாஜி முன்பு வகித்து வந்த மின்சாரத் துறையே அவருக்கு மீண்டும் வழங்கப்பட்டுள்ளது.

முதல்வர் மு.க.ஸ்டாலின் பரிந்துரையின்பேரின் புதிய அமைச்சர்களாக வி.செந்தில் பாலாஜி, கோவி. செழியன், ஆர்.ராஜேந்திரன், சா.மு. நாசர் ஆகியோரை நியமித்து ஆளுநர் சனிக்கிழமை அறிவிப்பு வெளியிட்டிருந்தார். அமைச்சர் உதயநிதி ஸ்டாலினுக்கு துணை முதல்வர் பொறுப்பு வழங்கப்பட்டது. மனோ தங்கராஜ், செஞ்சி கே.எஸ்.மஸ் தான்,கா.ராமச்சந்திரன் ஆகிய மூவர் அமைச்சர் பொறுப்பிலிருந்து விடுவிக்கப்பட்டனர்.