அரையிறுதியில் நியூஸிலாந்து

மகளிர் டி20 உலகக் கோப்பை போட்டியின் 19-ஆவது ஆட்டத்தில் நியூஸிலாந்து 54 ரன்கள் வித்தியாசத்தில் பாகிஸ்தானை திங்கள்கிழமை வென்றது.

முதலில் நியூஸிலாந்து 20 ஓவா்களில் 6 விக்கெட்டுகள் இழப்புக்கு 110 ரன்கள் சேர்க்க, பாகிஸ்தான் 11.4 ஓவா்களில் 56 ரன்களுக்கே 10 விக்கெட்டுகளையும் பறிகொடுத்து அதிர்ச்சி கண்டது. நியூஸிலாந்து பௌலர் ஈடன் கார்சன் ஆட்டநாயகி ஆனார்.

இந்த வெற்றியின் மூலம், குரூப் ‘ஏ’-வில் 2-ஆவது இடத்தை உறுதி செய்து அரையிறுதிக்கு முன்னேறியது நியூஸிலாந்து. இந்தியா, பாகிஸ்தான் அணிகள் அந்த வாய்ப்பை இழந்து வெளியேறின.