தமிழ்த்தாய் வாழ்த்து பாடல் சர்ச்சை ஆளுநர்ரவியை உடனடியாக திரும்பப் பெற வேண்டும்

மத்திய அரசுக்கு முதல்வர் ஸ்டாலின் வலியுறுத்தல்

தமிழ்நாட்டையும், தமிழ்நாட்டு மக்களின் உணர்வுகளையும் தொடர்ந்து அவமதித்து வரும் ஆளுநர் ஆர்.என்.ரவியை உடனடியாகத் திரும்பப் பெற வேண்டும் என்று மத்திய அரசுக்கு முதல்வர் மு.க.ஸ்டாலின் கோரிக்கை விடுத்துள்ளார்.

'டிடி தமிழ்' தொலைக்காட்சி நிகழ்வில் ஆளுநர் ஆர்.என்.ரவி பங்கேற்றார். அதில் பாடப்பட்ட தமிழ்த்தாய் வாழ்த்தில் திராவி டம் என்ற சொல் நீக்கப்பட்டது.

இதற்கு கண்டனம் தெரிவித்து பிரதமர் நரேந்திர மோடிக்கு முதல்வர் மு.க.ஸ்டாலின் கடிதம் எழுதியுள்ளார்.

வெளியிட்ட மேலும், அவர் 'எக்ஸ்' தளத்தில் வெள்ளிக்கிழமை பதிவு: ஆளுநரா? ஆரியநரா? திராவிடம் என்ற சொல்லை நீக்கி, தமிழ்த் தாய் வாழ்த்தைப் பாடுவது தமிழ் நாட்டின் சட்டத்தை மீறுவதாகும்.

சட்டப்படி நடக்காமல், இஷ்டப்படி நடப்பவர் அந்தப் பதவி வகிக்கவே தகுதியற்றவர். ஹிந்தியை கொண்டாடும் போர்வையில் நாட்டின் ஒருமைப்பாட்டையும் இந்த மண்ணில் வாழும் பல்வேறு இன மக்களையும் இழிவுபடுத்துகிறார் ஆளுநர்.

திராவிட ஒவ்வாமையால் அவதிப்படும் ஆளுநர், தேசிய கீதத்தில் வரும் திராவிடத்தையும் விட்டுவிட் டுப் பாடச் சொல்வாரா? தமிழ்நாட்டையும், தமிழ்நாட்டு மக்களின் உணர்வுகளையும் வேண்டுமென்றே தொடர்ந்து அவமதித்துவரும் ஆளுநரை மத்திய அரசு உடனடியாகத் திரும்பப் பெற வேண்டும் என்று தனது பதிவில் முதல்வர் மு.க.ஸ்டாலின் தெரிவித்துள்ளார்.

ஹிந்தி மாத விழா கூடாது: ஹிந்தி மாத கொண்டாட்டத்தைத் தவிர்க்க வேண்டும் என்று பிரதமர் நரேந்திர மோடிக்கு முதல்வர் மு.க.ஸ்டாலின் கடிதம் எழுதியுள்ளார்.

இது குறித்து முதல்வர் எழுதிய கடிதம்: சென்னை தொலைக்காட்சி நிலைய பொன்விழா நிகழ்வுகளுன்,ஹிந்தி மாத நிறைவு விழா நடத்தப்படுவது குறித்து தங்களின் கவனத்துக்குக் கொண்டு வருகிறேன்.

இந்த விழாவை தமிழக ஆளுநர் தலைமை வகித்து நடத்தியுள்ளார்.

இந்திய அரசமைப்புச் சட்டம் எந்த மொழிக்கும் தேசிய மொழி என்ற தகுதியை வழங்கவில்லை.