தீபாவளிக்கு 14,086 சிறப்புப் பேருந்துகள்

தீபாவளி பண்டிகையையொட்டி, தமிழகத்தில் 14,086 சிறப்பு பேருந்துகள் இயக்கப்பட உள்ளதாக போக்குவரத்துத் துறை அமைச்சர் சா.சி.சிவசங்கர் தெரிவித்துள்ளார்.

தீபாவளி சிறப்புப் பேருந்துகள் இயக்கம் தொடர்பாக அமைச்சர் சிவசங்கர் தலைமையில் சென்னை தலைமை செயலகத்தில் திங்கள்கிழமை ஆலோசனைக் கூட்டம் நடைபெற்றது.

கூட்டத்துக்குப் பிறகு செய்தியாளர்களிடம் அமைச்சர் சிவசங்கர் கூறியது: தீபாவளி பண்டிகையை முன்னிட்டு, தமிழகத்தில் 14,086 சிறப்புப்பேருந்துகள் இயக்கப்படவுள்ளன. சென்னையிலிருந்து 11,176 பேருந்துகள், பிற மாவட்டங்களில் 2,910 பேருந்துகள் இயக்கப் படும்.

அக்.28 முதல் 30 வரை வழக்கமாக இயக்கப்படும் பேருந்துகளுடன் சிறப்புப் பேருந்துகள் இயக் கப்பட உள்ள நிலையில், 5.83 லட்சம் பேர் சொந்த ஊர்களுக்கு பயணிப்பார்கள் என எதிர்க்கப்படுகிறது.